قازىر بار ماماندار ىندەتپەن بارىنشا كۇرەسىپ جاتىر. كەشە مەملەكەت باسشىسى ۇكىمەتكە حالىق دەنساۋلىعى جانە دەنساۋلىق ساقتاۋ جۇيەسى تۋرالى جاڭا كودەكس جوباسىنا سالانى جەتىلدىرەتىن ناقتى ۇسىنىستار ەنگىزۋدى تاپسىردى. ۇلتتىق مەديتسينالىق ۋنيۆەرسيتەتتىڭ پرورەكتورى باۋىرجان ءجۇسىپوۆتىڭ ايتۋىنشا، قازىر اسا تاپشى مامانداردى دايىنداۋعا اقشا اياماۋ كەرەك. ويتكەنى ىندەت كۇزگە دەيىن جالعاسادى، ال كۇزگى ءورشۋدى دەر كەزىندە تىيماسا، تاعى جارتى جىلعا دەيىن سوزىلۋى مۇمكىن. سوندىقتان شەكتەۋ شارالارىن ساقتاپ، كەسەلدى ەرتە انىقتاۋدى جالعاستىرۋ قاجەت.
باۋىرجان ءجۇسىپوۆ، قازاق ۇلتتىق مەديتسينالىق ۋنيۆەرسيتەتىنىڭ پرورەكتورى:
- نەنى وزگەرتۋ قاجەت؟ الدىمەن سانيتارلىق- ەپيدەميولوگيالىق قىزمەتتى كوميتەتىنىڭ قۇرامىنان بولەك شىعار كەرەك. كودەكس نەگىزىندە ولاردىڭ قۇزىرەتىن كەڭەيتۋ قاجەت دەپ ويلايمىن. وعان قوسا، قورعانىش زاتتارىن قازاقستاندا ءوندىرۋ ماڭىزدى. قازىرگى جاعدايدا مەديتسينالىق ءبىلىم بەرۋ مەن العاشقى مەديتسينالىق كومەك كورسەتۋ سالاسىنا ۇلكەن ءمان بەرگەن ءجون. جالپى سالانى جەتىلدىرسە، كەز كەلگەن ىندەتتى جەڭۋگە قاۋقارىمىز بولادى.