بۇل جونىندە سەناتتىڭ باسپا ءسوز قىزمەتىنە سىلتەمە جاساپ قازاقپارات حابارلايدى.
«ءسىزدى ەلىمىزگە سىڭىرگەن ەڭبەگىڭىزبەن قۇتتىقتايمىز جانە قازاقستان ۇكىمەتىنىڭ شەشىمى بويىنشا تاپانشا تابىس ەتەمىز. ءسىزدىڭ اتىڭىز رەسپۋبليكامىزدىڭ تاريحىنا لايىقتى جازىلدى»، - دەدى ە. تۇرعىمبايەۆ.
تالعات مۇسابايەۆقا مەملەكەت الدىندا سىڭىرگەن ەڭبەگى ءۇشىن ۇكىمەتتىڭ قاۋلىسى بويىنشا ءيىر ويىقتى اتىس قارۋى تابىس ەتىلدى.
ءدال بۇگىن، 28-ساۋىردە تالعات مۇسابايەۆ وسىدان 19 جىل بۇرىن «سويۋز تم-32» عارىش كەمەسىنىڭ كومانديرى رەتىندە ءۇشىنشى مارتە عارىشقا ۇشىپ، العاشقى عارىش تۋريسىن وربيتاعا الىپ شىققان بولاتىن. عارىشقا ۇشقان وسى ساپار عارىش تۋريزمىنىڭ ءداۋىرىن اشتى. تالعات مۇسابايەۆتىڭ ەكيپاجى «سويۋز ت م-31» كەمەسىمەن جەرگە ورالدى.
بۇل - 21-عاسىرداعى جانە ءۇشىنشى مىڭجىلدىقتاعى جەر عالامشارىنان عارىشقا العاشقى ۇشۋ بولاتىن. سونداي-اق بيىل ت. مۇسابايەۆتىڭ عارىشقا العاش ۇشقانىنا 25 جىل تولدى. تالعات مۇسابايەۆ - عارىشكەر، قازاقتىڭ 2-شى، ال الەمنىڭ 309-شى عارىشكەرى. قازاقستان رەسپۋبليكاسىنىڭ تۋى مەن ەلتاڭباسى 1994 -جىلى تاريحتا العاش رەت عارىشقا كوتەرىلدى. 2017 -جىلعى 13-شىلدەدە مەملەكەت باسشىسىنىڭ جارلىعىمەن قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ تاعايىندالدى.