«مەملەكەت باسشىسىنىڭ تاپسىرماسىنا سايكەس توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا وسى جىلدىڭ 1-مامىرىنان باستاپ كۇنىنە 4 رەيس جيىلىگىمەن نۇر-سۇلتان جانە الماتى قالالارى اراسىندا اۋە رەيستەرىن اشۋ تۋرالى شەشىم قابىلدادى. سۇرانىس جوعارى باعىت بويىنشا ۇشۋدىڭ باستالۋى - سالانى قالپىنا كەلتىرۋدىڭ العاشقى قادامى بولماق. اۋە رەيستەرى ق ر د س م كولىكتەگى باس سانيتار دارىگەر بەلگىلەگەن سانيتارلىق قاۋىپسىزدىك تالاپتارىن ساقتاۋ ارقىلى ورىندالادى. قازاقستان اۋە كومپانيالارى كۇردەلى جاعدايدى تۇسىنە وتىرىپ، بيلەت باعاسىن ساتىپ الۋ كۇنى مەن ۋاقىتىنا بايلانىستى 7 دەن 30 مىڭ تەڭگەگە دەيىنگى ارالىقتا بەلگىلەدى»، - دەلىنگەن ق ر يندۋستريا جانە ينفراقۇرىلىمدىق دامۋ مينيسترلىگىنىڭ Telegram پاراقشاسىندا جاريالانعان اقپاراتتا.
ۆەدومستۆو مالىمەتىنشە، الداعى ۋاقىتتا، جاعداي جاقسارعان كەزدە ىشكى رەيستەر سانىن جانە اۋە كەمەلەرىنىڭ سىيىمدىلىعىن ارتتىرۋ ماسەلەسى قاراستىرىلماق.
ايتا كەتەيىك، قازاقستان رەسپۋبليكاسىنىڭ اۋماعىندا كوروناۆيرۋس ينفەكسياسىنىڭ ودان ءارى تارالۋىن بولدىرماۋ جانە دەر كەزىندە ارەكەت ەتۋ ماقساتىندا 45 ىشكى باعىت بويىنشا اپتاسىنا 540 (0) تۇراقتى جولاۋشىلار رەيسى جانە 97 حالىقارالىق باعىت بويىنشا اپتاسىنا 440 () رەيس (442-دەن 2 رەيسكە دەيىن) توقتاتىلدى.
«توتەنشە جاعداي رەجيمىنە جانە رەيستەر سانىنىڭ ازايۋىنا بايلانىستى ازاماتتىق اۆياتسيا سالاسىنىڭ 20 مىڭ قىزمەتكەرىنىڭ شامامەن 70 پايىزى اقىسىز دەمالىسقا شىقتى. جالپى جىل سوڭىنا دەيىن سالاداعى شىعىن كولەمى شامامەن 300 ميلليارد تەڭگەنى قۇراۋى مۇمكىن»، - دەپ اتاپ وتەدى مينيسترلىكتەن.