بۇل تۋرالى نۇر-سۇلتان قالاسى اكىمىنىڭ ورىنباسارى باقتيار ماكەن ءمالىم ەتتى، دەپ حابارلايدى قازاقپارات ءتىلشىسى.
«كوروناۆيرۋس ينفەكسياسىن جۇقتىرۋ قاۋپى سەيىلمەگەندىكتەن، ادامدار كوپ جينالاتىن ورىندار، ياعني ساۋدا جانە ويىن- ساۋىق ورتالىقتارى، كلۋبتار، مەيرامحانالار مەن ءدامحانالار (تەك ونلاين تاپسىرىس) جابىق بولادى. سونىمەن قاتار، قوعامدىق كولىك جۇمىسى كارانتين اياقتالعانشا قايتا ىسكە قوسىلمايدى»، - دەدى ب. ماكەن ورتالىق كوممۋنيكاتسيالار قىزمەتىندە.
وسى ورايدا ول قوعامدىق كولىكتەردە ادامدار كوپ جينالعاندىقتان، بۇل جاعداي ينفەكسيانىڭ تارالۋىنا ىقپال ەتۋى مۇمكىن.
«قوعامدىق كولىكتى ىسكە قوسۋدى 11-مامىردان كەيىن قاراستىرامىز، ياعني مەملەكەتتىك كوميسسيانىڭ ءتيىستى شەشىمىنەن كەيىن»، - دەدى اكىم ورىنباسارى.
اۆتور: رۋسلان عابباسوۆ