بۇل تۋرالى ونلاين-بريفينگ بارىسىندا الماتى قالاسى اكىمىنىڭ ورىنباسارى ساپاربەك تۇياقبايەۆ ايتتى، دەپ حابارلايدى قازاقپارات ءتىلشىسى.
«بلوكپوستتار كارانتين رەجيمى اياقتالعانعا دەيىن الىنبايدى. ويتكەنى ول كارانتيننىڭ ماڭىزدى شارتارىنىڭ ءبىرى. سوندىقتان كاسىپكەرلەردىڭ وبلىستا تۇراتىن جۇمىسشىلارعا سەنىم ارتپاعاندارى دۇرىس. بۇل جۇمىستارعا ازىرشە الماتىلىقتاردى تارتقاندارى ابزال»، - دەدى ساپاربەك تۇياقبايەۆ.
سونىمەن قاتار، ول مامانداردى جەدەل قايتا دايارلاۋدىڭ جاڭا باعدارلاماسىنىڭ ىسكە قوسىلىپ جاتقانىن اتاپ ءوتتى.
«ساۋدا، قىزمەت كورسەتۋ، قۇرىلىس جانە ونەركاسىپ سالالارى بويىنشا ءبىز جەكە كومپانيالارمەن بىرىگىپ كادرلاردى قايتا دايارلاۋدى جۇرگىزەمىز. ەگەر ماماندار جەتىسپەۋشىلىگىنە قاتىستى ماسەلەلەر تۋىنداسا، بىزبەن حابارلاسىڭىز، ءبىز ءار فاكتىنى زەرتتەپ، ءسىز ءۇشىن كادرلاردى دايىندايمىز. قالادا جۇمىسسىز جۇرگەندەر كوپ»، - دەپ تۇيىندەدى س. تۇياقبايەۆ.
ونىڭ ايتۋىنشا، 394 كاسىپورىننىڭ 306 سى بۇگىنگى تاڭدا جۇمىس ىستەۋگە رۇقسات الدى.