ناقتىراق ايتقاندا، 34 جاستاعى ەر ادام كارانتينگە جابىلعان تۇرعىن ءۇيدىڭ ءبىرىنشى قاباتىنداعى تەرەزەسىنەن سەكىرىپ ءتۇسىپ، قاشپاق بولعان. الايدا، ول اۆتوكولىگىنە دەيىن جەتىپ ۇلگەرمەپتى. پوليتسيا ونى بىردەن ۇستاپ، تۇراتىن ۇيىنە قايتا جەتكىزگەن. ال اۆتوكولىگىن ايىپ تۇراعىنا الىپ كەتكەن. ەكىباستۇزدا تاعى ءبىر جاعداي تىركەلگەن. كارانتينگە جابىلعان م. ءجۇسىپوۆ كوشەسى، 61-ۇيدەن ءۇش ادامنان تۇراتىن وتباسى شاتىر ارقىلى قاشپاق بولعان.
«ەر ادام كامەلەتكە تولماعان قىزىن كوتەرىپ العان. الايدا ولاردىڭ بۇل ارەكەتتەرى كۋاگەردىڭ كامەراسىنا ءتۇسىپ قالدى. كارانتين رەجيمى مەن توتەنشە جاعداي ءتارتىبىن بۇزعانى ءۇشىن قر اقبجك 476-بابى بويىنشا اكىمشىلىك ءىس قوزعالدى»، - دەپ حابارلادى مينيسترلىكتەن.
جالپى پاۆلودار وبلىسىندا ءتارتىپ ساقشىلارى كارانتين رەجيمىن بۇزۋدىڭ 1020 جاعدايىن انىقتاعان. ءبارى دە جوعارىدا اتالعانداي 476- باپ بويىنشا اكىمشىلىك جازاعا تارتىلعان. «سوت شەشىمىمەن 96 ادام 5 تەن 10 كۇنگە دەيىنگى اكىمشىلىك قاماۋعا الىنسا، 199 ادامعا 10 اەك كولەمىندە ايىپپۇل سالىندى. 585 ادام ەسكەرتۋ الدى. 412 كولىك ايىپ تۇراعىنا جەتكىزىلدى» ، - دەلىنگەن حابارلامادا.