ق ر ۇلتتىق قاۋىپسىزدىك كوميتەتىنىڭ الماتى قالاسى بويىنشا دەپارتامەنتى مەن سىبايلاس جەمقورلىققا قارسى كۇرەس اگەنتتىگىنىڭ الماتى قالاسى بويىنشا دەپارتامەنتى ق ر ۇلتتىق ۇلانىنىڭ «بۇركىت» ارنايى ماقساتتاعى بولىمشەسىن تارتا وتىرىپ، ناۋرىز ايىنان باستاپ ەلدەگى توتەنشە جاعداي مەن الماتى قالاسىنداعى كارانتين رەجيمى ۋاقىتىندا جۇمىس ىستەگەن زاڭسىز ويىن مەكەمەسى ارەكەتىنىڭ جولىن كەسۋ بويىنشا اۋقىمدى وپەراتسيا وتكىزدى.
«وسى جەدەل- ىزدەستىرۋ ءىس- شاراسى ءساۋىردىڭ 24 ىنەن 25 ىنە قاراعان ءتۇنى وتكىزىلدى، ۆەدومستۆولاردىڭ قىزمەتكەرلەرى قالانىڭ ورتالىعىندا ورنالاسقان اكىمشىلىك عيماراتتا 30 دان استام كەلۋشى مەن پەرسونال ۇستالدى. قۇمار ويىنى وتەتىن ورىنعا كىرۋ ءۇشىن ارنايى وتكىزۋ جۇيەسى ارەكەت ەتكەن، ول بويىنشا ىشكە تەك تۇراقتى كەلۋشى عانا كىرە الاتىن بولعان. اۋماعى 1000 شارشى مەتردەن اساتىن كازينو ىشىندە ءتىنتۋ بارىسىندا پوكەر مەن امەريكالىق رۋلەتكاعا ارنالعان 6 ۇستەل، كوپتەگەن ويىن كارتاسى مەن فيشكالار، سونداي- اق زاڭسىز ارەكەتتەن تۇسكەن ءبىر كۇندىك ءىرى مولشەردەگى اقشا تاركىلەنگەن» ، دەلىنگەن حابارلامادا.
زاڭسىز ويىن مەكەمەسىن ۇيىمداستىرۋ فاكتىسىنە قاتىستى ق ر ق ك 307-بابىنىڭ 2-بولىگى بويىنشا قىلمىستىق ءىس قوزعالدى. «جاسىرىن كازينوعا» قاتىسقان ادامداردىڭ بارلىعىنا قاتىستى توتەنشە جاعداي رەجيمىن بۇزۋ فاكتىسى بويىنشا اكىمشىلىك حاتتاما تولتىرىلعان.