وسى سۇراققا مەملەكەتتىك كىرىستەر كوميتەتى جاۋاپ بەردى، دەپ حابارلايدى قازاقپارات. مەملەكەتتىك كىرىس كوميتەتى ەلىمىزدە توتەنشە جاعداي ەنگىزىلۋىنە بايلانىستى تابىسىنان ايىرىلعان ءبىرىڭعاي جيىنتىق تولەم تولەيتىندەرگە 42500 تەڭگە الەۋمەتتىك تولەم بويىنشا تۋىندايتىن ماسەلەلەر بويىنشا تۇسىنىك بەردى.
«ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ ەرەجەسىنە سايكەس (26.03.2020 -جىلعى №110 بۇيرىق) الەۋمەتتىك تولەمدەر مەملەكەتتىك الەۋمەتتىك ساقتاندىرۋ قورىنان سالىق كودەكسىنىڭ 774-بابىنا سايكەس ءبىرىڭعاي جيىنتىق تولەمنىڭ تولەۋشىلەرى بولىپ تابىلاتىن جەكە تۇلعا ءۇشىن كوزدەلگەن. بۇل رەتتە، ءبىرىڭعاي جيىنتىق تولەم جالدامالى قىزمەتكەرسىز جىلىنا 1175 ا ە ك- تەن (2,96 ميلليون تەڭگە) كەم مولشەردە تابىس الا وتىرىپ، كاسىپكەرلىك قىزمەت شەڭبەرىندە باسقا جەكە تۇلعالارعا (سالىق اگەنتتەرى بولىپ تابىلمايتىن) جەكە قوسالقى شارۋاشىلىق ونىمدەرىن وتكىزۋدى نەمەسە قىزمەت كورسەتۋدى جۇزەگە اسىراتىن جەكە تۇلعالارعا ارنالعان»، دەلىنگەن حابارلامادا.
مىسالى، ءبىرجولعى جالدامالى ەڭبەك (تۇرمىستىق تەحنيكانى، سانتەحنيكانى جانە ت. ب. جوندەۋ)، جەكەلەگەن جەكە قىزمەتتەر (رەپەتيتورلار، كۇتۋشىلەر، وتىرعىشتار، تاپسىرىسقا توقۋ)، باعدارلامالاردى ورناتۋ قىزمەتى (ن ج ورناتۋ، انتيۆيرۋس جانە ت. ب. )، ءوزىنىڭ جەكە قوسالقى شارۋاشىلىعىندا وندىرىلگەن ءسۇتتى، كارتوپتى ساتۋ، باسقا جەكە تۇلعالارعا جانە ت. ب.
«شەتەلدىكتەر مەن ازاماتتىعى جوق ادامدار، سونداي-اق تۇرعىن ءۇيدى قوسپاعاندا، مۇلىكتى جالعا بەرەتىن ستاتسيونارلىق نۇكتەلەر (كوممەرتسيالىق وبەكتىلەر - ساۋدا وبەكتىلەرى، بازارلار جانە ت. ب. ) ارقىلى قىزمەتىن جۇزەگە اسىراتىن ادامدار ب ج ت تولەۋشى بولا المايدى. بۇدان باسقا، ب ج ت تولەۋشى - جەكە تۇلعا دارا كاسىپكەر نەمەسە جەكە پراكتيكامەن اينالىساتىن تۇلعا (ادۆوكاتتار، نوتاريۋستار، جەكە سوت ورىنداۋشىلارى جانە كاسىبي مەدياتورلار) رەتىندە تىركەلمەۋى ءتيىس، ولار ءۇشىن وسىنداي الەۋمەتتىك تولەمدەردى الۋدىڭ وزگە ءتارتىبى كوزدەلگەن جانە ب ج ت تولەۋ تالاپ ەتىلمەيدى» دەلىنگەن حابارلامادا.
وسىلايشا، جوعارىدا كورسەتىلگەن تالاپتارعا سايكەس كەلگەن كەزدە ب ج ت تولەۋشى بولىپ تانىلاتىن جانە جوعارىدا كورسەتىلگەن قىزمەتتەردى كورسەتۋ نەمەسە باسقا جەكە تۇلعالارعا (سالىق اگەنتتەرى بولىپ تابىلمايتىن) جەكە قوسالقى شارۋاشىلىق ءونىمىن وتكىزۋدىڭ مۇمكىن بولماۋىنا بايلانىستى تابىسىنان ايىرىلعاندار ت ج ەنگىزىلۋىنە بايلانىستى تابىسىنان ايىرىلعان ب ج ت تولەۋشى جەكە تۇلعا ساناتىنا جاتادى.
«تيىسىنشە، توتەنشە جاعداي كەزىندە ب ج ت- نى العاشقى رەت تولەگەن تۇلعالار ءوزىن وسىنداي تالاپقا سايكەس كەلەتىن ءوزىن-ءوزى جۇمىسپەن قامتىعاندار رەتىندە كورسەتكەن، الەۋمەتتىك قامسىزداندىرۋ جۇيەسىنە كىرگەن جانە ت ج كەزەڭى اياقتالعاننان كەيىن كاسىپكەرلىك تابىس العان كەزدە وسىنداي مارتەبەنى ب ج ت تولەۋ جولىمەن راستاۋىن جالعاستىرۋى ءتيىس»، دەلىنگەن حابارلامادا.