كوروناۆيرۋس: يتاليا مەن ا ق ش كارانتين تالاپتارىن جۇمسارتا باستايدى

سوندىقتان كەي ەلدەر كارانتين شارالارىن جۇمسارتا باستايدى، دەپ حابارلايدى قازاقپارات BBC اگەنتتىگىنە سىلتەمە جاساپ.

يتاليا پرەمەر-ءمينيسترى دجۋزەپپە كونتي 4- مامىردان باستاپ ەلدە كەيبىر شەكتەۋلەر ءىشىنارا الىنىپ تاستالاتىنىن مالىمدەدى. ونىڭ ايتۋىنشا، تاماقتاناتىن ورىندار مەن مەيرامحانالار تاماق ساتا الادى، قازىر ولارعا تەك ۇيگە تاپسىرىس بەرۋگە رۇقسات ەتىلگەن.

يتاليالىقتار بۇرىنعىسىنشا ەلدىڭ اۋماعىندا ساياحاتتاي المايدى، ءبىراق ولارعا قالادان قالاعا ءبىر پروۆينتسيا شەگىندە بارۋىنا رۇقسات ەتىلەدى. تۋعان-تۋىستارىنا شاعىن توپپەن تەك ماسكا كيىپ بارۋى كەرەك. سونداي-اق ساياباقتار دا اشىلادى، ءبىراق وندا كوپ ادامنىڭ جينالۋىنا تىيىم سالىنادى.

ا ق ش- تا بارلىق شتات جۇما كۇنى ەلدە اۋىرعاندار سانى كۇن ساناپ ارتقانىنا قاراماستان، كارانتين شارالارىن جۇمسارتا باستادى. امەريكا قۇراما شتاتتارىندا Covid-19 جۇقتىرۋ مەن ودان قايتىس بولۋ جاعدايلارى الەمنىڭ باسقا ەلدەرىنە قاراعاندا كوبىرەك: سوڭعى مالىمەت بويىنشا 957 مىڭ ادام كوروناۆيرۋس جۇقتىرسا، 54,4 مىڭ ادام قايتىس بولعان.

وسى اپتادا دجوردجيا، وكلاحوما، الياسكا جانە وڭتۇستىك كارولينا كارانتيندى ءىشىنارا جەڭىلدەتۋگە كوشتى. ولار كەلەسى اپتادا شەكتەۋلەردى ودان ءارى الىپ تاستاۋعا شاقىردى.

ا ق ش- تاعى كوروناۆيرۋس ىندەتىنە قارسى كۇرەس جونىندەگى اق ءۇيدىڭ ۇيلەستىرۋشىسى، دوكتور دەبورا بيركس جۋرناليستەرگە كارانتين شارالارىنىڭ ءبىر بولىگى ەلدە جاقىن ارادا بىرنەشە ايعا دەيىن ساقتالاتىنىن راستادى.