ق ر دەنساۋلىق ساقتاۋ ءمينيسترىنىڭ تاپسىرماسى بويىنشا قازاقستاننىڭ بارلىق وڭىرىندە دەنساۋلىق ساقتاۋ باسقارمالارى جانىنان كوروناۆيرۋستى جۇقتىرعان ناۋقاستاردىڭ ءولىم سەبەبىن زەرتتەۋ جونىندەگى كوميسسيالار (و ج ز ك) قۇرىلدى.
كوميسسيا ناۋقاس ءولىمىنىڭ تىكەلەي سەبەپتەرىن انىقتاۋ ءۇشىن مەديتسينالىق قۇجاتتاماعا تالداۋ جۇرگىزەدى.
«ارقالىقتا ۇيىندە كوز جۇمعان 84 جاستاعى پاتسيەنتكە قاتىستى تالداۋ جۇمىستارى 27- ساۋىردە جۇرگىزىلەدى. كوميسسيا جۇمىسىنىڭ قورىتىندىسى بويىنشا پاتسيەنت ءولىمىنىڭ تىكەلەي سەبەبى انىقتالادى. بۇگىندە ناۋقاس تۋرالى بارلىق قاجەتتى مەديتسينالىق قۇجاتتار ارقالىق قالالىق ەمحاناسىنان جانە وبلىستىق جەدەل جاردەم قىزمەتىنەن سۇراتىلعان»، - دەلىنگەن حابارلامادا.