«دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنە سايكەس، 20 - ساۋىردە 76 ۆاكتسينا ۇسىنىلعان. ولاردىڭ ىشىندە تەك بەسەۋى عانا كلينيكالىق سىناقتىڭ 1-2 فازاسى ساتىسىندا تۇر. 71 ۆاكتسينا قوسىمشا سىناقتان وتكىزىلىپ جاتىر. ال قازاقستاندا ەكى ينستيتۋت 4 ۆاكتسينا ۇسىنعان. ەكەۋى - رەكومبينانتتى اقۋىز، سونىمەن قاتار الفا- ۆيرۋس نەگىزدى 2 ۆەكتورلى ۆاكتسينا. قازاق ۇلتتىق اگرارلىق ۋنيۆەرسيتەتى دە ءوز باعدارلاماسىن ۇسىنىپ وتىر. قازىرگى ۋاقىتتا مۇددەلى بارلىق ادامداردا ءبىر پلاتفورماعا توپتاستىرىپ، ناقتى باعدارلاما ۇسىناتىن بولامىز. بىرنەشە ۆاكتسينا ۇسىنعىمىز كەلەدى. ونىڭ ءبىرى - ينترانازالدى قولدانۋعا ارنالعان نانو- ۆاكتسينا» ، - دەدى ول Facebook تە Young researchers alliance پاراقشاسىندا
«COVID-19: اڭىز الدە اقيقات» تاقىرىنداعى تىكەلەي ەفير بارىسىندا. ونىڭ اتاپ وتۋىنشە، قازىرگى ۋاقىتتا الداعى ءۇش جىلدىڭ ىشىندە كانديداتتى ۆاكتسينا الۋ جوسپارلانىپ وتىر. ال ءۇشىنشى جىلىنا كلينيكالىق سىناقتار وتكىزىلىپ، سودان كەيىن ۆاكتسينا ازىرلەۋگە قارجى ىزدەۋ جۇمىستارى قولعا الىنادى.
«قازىردىڭ وزىندە ۆاكتسينا ازىرلەگەنىمىزبەن ونى وندىرەتىن جانە حالىقتىڭ 70 پايىزىن قامتاماسىز ەتەتىن بيوفارماتسيەۆتيكالىق زاۋىتىمىز جوق. جالپى، ۆاكتسينا ەڭ الدىمەن تاۋەكەل توبىنا كىرەتىن ادامدار ساناتىنا ارنالاتىن بولادى. جوعارىدا اتاعان كلينيكالىق سىناق ساتىسىنداعى 5 كانديداتتى ۆاكتسينا قىتايدا جاسالىپ جاتىر. سەبەبى قىتاي ىندەتپەن ەڭ ءبىرىنشى بەتپە- بەت كەلدى جانە ولار ۆاكتسينا ازىرلەۋدى بارلىق ەلدەردەن بۇرىن باستادى. مەنىڭشە، ەڭ ءتيىمدىسى - يناكتيۆتەلگەن ۆاكتسينا. مۇنىڭ بارلىعى قىتايدا جاسالىپ جاتىر» ، - دەدى عالىم.