ەندى رەسپۋبليكا تۇرعىندارى ەمىن- ەركىن شەت ەلدەرگە شىعا الادى. دەگەنمەن جاڭا ەرەجەگە ساي، ساياحاتتان ەلگە ورالعاندار ەكى اپتالىق كارانتينگە جاتقىزىلادى نەمەسە ۆيرۋس جۇقتىرماعانى تۋرالى انىقتاما تاپسىرادى. چەحيا بيلىگى ەل ىشىندە ءجۇرىپ- تۇرۋعا قويىلعان شەكتەۋدى دە الىپ تاستادى. بۇعان دەيىن تۇرعىندار تەك جۇمىسقا، ءدارىحانا جانە ازىق- تۇلىككە عانا شىعا الاتىن ەدى. سونداي- اق ءبىر- ەكى كۇندە بارلىق جوعارى وقۋ ورىندارى اشىلادى.
ايتا كەتەرلىگى، وسىدان ءبىر اپتا بۇرىن ەل پرەزيدەنتى كوروناۆيرۋس قايتالانباس ءۇشىن مەملەكەت ءالى ءبىر جىلداي وقشاۋلانۋدا بولادى دەگەن ەدى. چەحيادا سوڭعى دەرەكتەر بويىنشا ىندەتتى جۇقتىرعاندار سانى 7 مىڭ، ال 214 ادام قاۋىپتى كەسەلدەن كوز جۇمدى.