قىتاي بيلىگى كوروناۆيرۋستىڭ ەكىنشى تولقىنىنان قاۋىپتەنىپ وتىر

نۇر- سۇلتان. قازاقپارات – وسى رەتتە ەلدىڭ سولتۇستىگىندەگى ەڭ ءىرى قالالاردىڭ ءبىرى - حاربينگە وزگە ءوڭىر تۇرعىندارىنا كىرۋگە تىيىم سالىندى، دەپ حابارلايدى «حابار 24».

سونداي- اق باسقا ايماق ءنومىرى بار كولىكتەر دە شاھار اۋماعىنا وتە المايدى. ال، جەرگىلىكتى حالىق ۇيدەن شىققاندا، QR- كودتى كورسەتۋى ءتيىس.

ول ادامدا كوروناۆيرۋستىڭ جوعىن راستايدى. ودان بولەك، تۇرعىندار كوشەدە جانە قوعامدىق ورىندا ماسكا تاعىپ جۇرۋگە مىندەتتەلدى. ايتا كەتكەن ءجون، بىرەر كۇن بۇرىن 10 ميلليون حالقى بار وسى حاربين قالاسىندا كوروناۆيرۋس ءورشىپ بارا جاتقانى جايلى بەلگىلى بولدى. 21 - ساۋىردە 7 جاڭا دەرەك تىركەلگەن. قازىر راستالعان وقيعالار سانى 60-قا تاياپ قالدى. ودان بولەك، 1400 ادام «كوروناۆيرۋستى جۇقتىرۋى مۇمكىن» دەگەن كۇدىكپەن مەديتسينالىق باقىلاۋعا الىنعان.