مەملەكەتكە قازىر باتىل مەنەدجەرلەر كەرەك – ەلباسى
«ەڭ ءبىرىنشى كەزەكتە داعدارىسقا قارسى شارالار كەشەنىن جۇزەگە اسىرۋ كەرەك. قولداۋدىڭ ءبارى بيزنەس پەن حالىققا جەتۋى ءۇشىن ءاربىر تەڭگەنى قادالاعاۋ كەرەك. قازىردىڭ وزىندە ەكونوميكانى قالپىنا كەلتىرۋ مەن داعدارىستان كەيىنگى دامۋ باعدارلاماسىن باستاي بەرگەن ابزال. نەگىزگى سالالار، بولاشاق ەكونوميكاسى، قالالار مەن اۋىلداردى، الەۋمەتتىك سالا مەن قارجى جۇيەسى بويىنشا باعىتتاردى ايقىنداۋ كەرەك» ، - دەدى ەلباسى قاۋىپسىزدىك كەڭەسىنىڭ وتىرىسىندا. ەلباسى داعدارىسقا قارسى شارالاردى جۇزەگە اسىرۋ ءۇشىن مەملەكەتتىك باسقارۋدىڭ بارلىق دەڭگەيىندە ءتيىمدى جۇمىستى جولعا قويۋ كەرەكتىگىن ەسكە سالدى.
«قازاقستانعا - ءبىرىڭعاي ورتالىقپەن ءارى ستراتەگيالىق جانە وپەراتسيالىق ناقتى جوسپار بويىنشا باسقارىلاتىن ءتيىمدى كورپوراتسيا تۇرعىسىنان قارايتىن ۋاقىت جەتتى. مەملەكەتتىك باسقارۋشىلاردىڭ ءبارى - اۋىل اكىمىنەن باستاپ ۇكىمەت مۇشەسىنە دەيىن ءوز جۇمىسىن قايتا قاراپ، ناقتى ناتيجەگە جەتۋى ءتيىس. مەملەكەتكە ەكونوميكانى قالىپقا كەلتىرىپ، جۇمىسسىزدىقتى ازايتىپ، حالىقتى قاجەتتى ازىق- تۇلىكپەن قامتاماسىز ەتۋ ءۇشىن ءتيىستى شارالاردى قابىلداۋعا ءازىر باتىل مەنەدجەرلەر كەرەك»، - دەدى نۇرسۇلتان نازاربايەۆ.
ءسوز سوڭىندا قاۋىپسىزدىك كەڭەسىنىڭ ءتوراعاسى ەلدىڭ دامۋىن ۋاقتىلى كورە ءبىلۋ - 2020 -جىلعى داعدارىستان امان ءوتىپ قانا قويماي، بۇكىل مەملەكەتتى پايداعا كەنەلتەر باسىمدىق بەرەتىنىن جەتكىزدى.
«ءبىز بۇل داعدارىستى ەڭسەرەتىنىمىزگە سەنىمدىمىن. اكىمدەر، مينيسترلەردىڭ ءبارى دە جاۋاپتى. ۇكىمەت مەملەكەتتىك باعدارلامالار مەن داعدارىسقا قارسى شارالاردىڭ ءتيىمدى جۇزەگە اسىرىلۋىن قامتاماسىز ەتۋى ءتيىس. بۇكىل حالىققا ايتارىم: وسىناۋ شارالار لەگىن قولداپ، بىرلىك تانىتىپ، ىنتىماق پەن ءتارتىپ ساقتاۋ كەرەك. جۇمىستىڭ ءبارى دە حالىقتىڭ قامى ءۇشىن جاسالىپ جاتىر» ، - دەدى نۇرسۇلتان نازاربايەۆ.