«9-ساۋىردەن باستاپ جاپپاي ەكسپرەسس- تەستىلەۋ جۇرگىزۋ باستالدى، ونى 12752 ادام تاپسىردى. تاعى 41 مىڭ ەكسپرەسس- تەست كۆوتا بويىنشا ارنايى مەديتسينا، پوليتسيا، ۇلتتىق ۇلان قىزمەتكەرلەرى، اسكەريلەر، قالا تىرشىلىگىن قامتاماسىز ەتۋ جۇيەسى مەن كوممۋنالدىق قىزمەتتەردىڭ جۇمىسشىلارى اراسىندا ۇلەستىرىلدى»، - دەدى ب. ماكەن ورتالىق كوممۋنيكاتسيالار قىزمەتىندە. ونىڭ سوزىنە قاراعاندا، بۇل شارالار ىندەتتى دەر كەزىندە انىقتاپ، ۋاقىتىلى مەديتسينالىق كومەك كورسەتۋگە مۇمكىندىك بەرەدى.
بۇدان بۇرىن حابارلانعانداي، قازىرگى تاڭدا قالادا كوروناۆيرۋس ينفەكسياسىنىڭ 433 جاعدايى تىركەلدى. 255 ناۋقاس ستاتسيونارلاردا جاتىر، 207 ادام ەمدەلىپ شىقتى، ءۇي كارانتينىندە 2396 ادام بار.
اۆتور: رۋسلان عابباسوۆ