ايگىلى «دوس-مۇقاسان» انسامبىلىنىڭ بەلدى مۇشەسى قايتىس بولدى
13:24, 24 - ءساۋىر 2020
نۇر-سۇلتان. قازاقپارات – «دوس- مۇقاسان» توبىنىڭ ءسوليسى حاميت سانبايەۆ قايتىس بولدى.
بۇل مالىمەتتى ۇجىمنىڭ ارت-ديرەكتورى دانيار قۇسايىنوۆ راستادى.
«انسامبلدىڭ نەگىزىن قالاۋشىلاردىڭ ءبىرى حاميت سانبايەۆ سوزىلمالى اۋرۋمەن اۋىرعان سوڭ قايتىس بولدى. قايعىرامىز! ورنى تولماس قازا! ءبىز حاميتتى ماڭگى ەستە ساقتايمىز جانە ول ءۇشىن دۇعا ەتەمىز»، - دەدى ول.
ايتا كەتەيىك، انسامبل 1967 -جىلى 1-تامىزدا قۇرىلعان.
انسامبلدىڭ نەگىزىن قالاۋشىلار - دوسىم سۇلەيەۆ، مۇرات قۇسايىنوۆ، حاميت سانبايەۆ، الەكساندر ليتۆينوۆ بولعان ەدى.