«اقتايەۆا ءلاززات مەيراش قىزىنا جانە ەلىمىزدىڭ جەتەكشى مەديتسينا قىزمەتكەرلەرىنە، بارلىق ارىپتەسىمىزگە كورونۆيرۋس ينفەكسياسىن دياگنوستيكالاۋ مەن ەمدەۋدىڭ ءتيىمدى ءار ءساتتى قولدانىلعان كلينيكالىق حاتتاماسىن ازىرلەگەندەرى ءۇشىن ريزاشىلىق بىلدىرەمىن. ەلىمىزدىڭ ءارتۇرلى وڭىرىندەگى ىندەتپەن قازىرگى ۋاقىتتا كۇرەسىپ جاتقان بارلىق ارىپتەسىمە راحمەت. ىندەت ويدان شىعارىلماعان، ول وكىنىشكە قاراي ءالى دە جالعاسۋدا. ءبىراق، مەديتسينا قىزمەتكەرلەرىنىڭ، سونىمەن قاتار ەلىمىزدىڭ دەنساۋلىق ساقتاۋ جۇيەسىنىڭ ءتۇرلى ۋچاسكەلەرىن باسقارىپ جۇرگەن ارىپتەستەرىمنىڭ جانقيارلىق ەڭبەگىنىڭ ارقاسىندا ازىرشە ىندەت باقىلاۋدا تۇر. سوندىقتان دا بارلىقتارىڭىزدان پاراساتتى بولۋدى، مەديتسينا قىزمەتكەرلەرى مەن بيلىكتىڭ ۇسىنىستارىن ورىنداۋدى تاعى دا وتىنەمىن. بۇل ءماجبۇرلى ۋاقىتشا شەكتەۋلەر»، - دەپ جازدى ەلجان ءبىرتانوۆ Facebook پاراقشاسىندا.
ايتا كەتەيىك، ق ر دەنساۋلىق ساقتاۋ ۆيتسە-ءمينيسترى ءلاززات اقتايەۆا Facebook پاراقشاسىندا COVID-19-عا قارسى يممۋندى پلازما تەحنولوگياسىن جاعدايى اۋىر پاتسيەنتتەرگە قولدانۋ ماقۇلدانىپ، ول كوروناۆيرۋس ينفەكسياسى بويىنشا قازاقستاندىق كلينيكالىق حاتتاماعا قوسىلعانىن، كۆي اۋىرۋىن جەڭگەن 18 جاستا تولعان ادامدار عانا دونور بولا الاتىندىعىن جازعان ەدى.
اۆتور: مارلان جيەمباي