«الماتى قالاسىنا كوروناۆيرۋسپەن كۇرەسىپ جۇرگەندەرگە 1000000 ا ق ش دوللارى كولەمىندە گۋمانيتارلىق كومەك جەتكىزىلدى. ونى قازاقستاندىق كاسىپكەرلەر ۇيىمداستىردى. بۇل - ءدال قازىرگى ۋاقىتتا ەڭ كەرەك كومەك»، - دەيدى ق ر اقپارات جانە قوعامدىق دامۋ ءمينيسترى داۋرەن ابايەۆ.
ول ساتبايەۆ اتىنداعى ۋنيۆەرسيتەتتىڭ ستۋدەنتى سانجار قۇرمانعالي ۇلى ءوزىنىڭ تۋعان اۋىلى جاڭاجولدا (جامبىل وبلىسى) ونلاين وقۋدى ۇيىمداستىرۋعا كومەكتەسكەنىن ايتتى.
«ونلاين وقۋدا ماسەلە تۋىنداعان كەزدە ول دومەن جاساپ، حوستينگكە اقشا تولەپ، وقىتۋشىلاردى وقىتىپ، ماسەلەنى شەشكەن. اۋىل تۇرعىندارىنىڭ وعان دەگەن العىسى زور بولادى دەپ ويلايمىن. مەنىڭ كوڭىلىمنەن شىققان تاعى ءبىر جاڭالىق - نۇر-سۇلتان قالاسىندا «باۋىرساق» دەگەن كەرەمەت چەللەندج باستالدى. كومەككە مۇقتاج 200 وتباسى، 500 بالاعا باۋىرساق بەرىلدى. سونداي-اق، ەكىباستۇز قالاسىندا ءماشھۇر ءجۇسىپ اتىنداعى كوشە بويىنداعى كارانتينگە جابىلعان ءبىرىنشى پودەزگە سول پودەزدىڭ تۇرعىندارى جوندەۋ جۇمىسىن جۇرگىزگەن. بۇل - وتە جاقسى ۇلگى»، - دەيدى ول.