بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادحانوم گەبرەيەسۋس ايتتى، - دەپ حابارلايدى ريا نوۆوستي.
«باتىس ەۋروپا ەلدەرىندە كوروناۆيرۋس ينفەكسياسى تۇراقتالدى، جۇقتىرعاندار ازايىپ جاتىر. ال ءبىراق افريكا، ورتالىق جانە وڭتۇستىك امەريكا ەلدەرىندە، شىعىس ەۋروپادا ۆيرۋس ءالى دە ءورشىپ تۇر. كوپ ەلدە پاندەميا ەندى باستالىپ جاتىر. ال كەي ەلدە ۆيرۋس قايتادان تاراي باستادى. قاتەگە جول بەرمەڭىزدەر، بۇل ۆيرۋس بىزدە ءالى ۇزاق ۋاقىت تارالادى»، - دەدى ول كەشە جەنەۆادا وتكەن بريفينگتە.
د د ۇ باسشىسىنىڭ ايتۋىنشا، كوروناۆيرۋستىڭ جاڭا تولقىنىنىڭ قاۋپى بار.
«بىزگە سەنىڭىزدەر. ەڭ جامانى ءالى الدا. بۇل تراگەديانىڭ الدىن الايىق. كوبى مۇنىڭ قانداي ۆيرۋس ەكەنىن ءالى كۇنگە دەيىن تۇسىنبەي جاتىر»، - دەپ كەلتىرەدى گەبرەيەسۋستىڭ ءسوزىن Politico باسىلىمى.
سونداي- اق، ول قازىر بولىپ جاتقان پاندەميانى 1918 -جىلى 100 ميلليون ادام قايتىس بولعان ىندەتپەن سالىستىردى.
«ءبىراق قازىر بىزدە تەحنولوگيا بار، اپاتتىڭ الدىن الا الامىز، وسى داعدارىسقا توتەپ بەرە الامىز»، - دەدى د د ۇ باسشىسى.