نەمىس عالىمى فرانك ەربگۋت — نيۋرنبەرگ كلينيكاسىنداعى نيەۆرولوگيالىق ورتالىقتىڭ مەڭگەرۋشىسى COVID-19-دىڭ سالدارىنان تۋىندايتىن نيەۆرولوگيالىق اۋرۋلار تۋرالى مالىمدەدى.
پروفەسسوردىڭ ايتۋىنشا، اۋىر حالدە جاتقان ناۋقاستاردا اۋرۋدىڭ اسقىنۋ بەلگىلەرى رەتىندە ينسۋلت، مي قابىعىنىڭ قابىنۋى، باس اينالۋى جانە ءتىپتى ەپيلەپسيا پايدا بولۋى مۇمكىن.
ۆيرۋس اعزانىڭ ءوز جۇيكە جاسۋشالارىنا كەرى شابۋىلدايتىن وزدىگىنەن جويعىش اۋتويممۋندىق پروتسەستى ىسكە قوسادى.
فرانك ەربگۋت نيەۆرولوگيالىق اسقىنۋلار قىتايدىڭ ۋحان قالاسىنداعى ەمدەلۋشىلەردىڭ 6,4 ىندا بايقالعانىن اتاپ ءوتتى.
دەگەنمەن، پروفەسسور مۇنداي اسقىنۋ بەلگىلەرى كوپشىلىكتە بايقالمايتىنىن ايتىپ، سەندىردى. بۇل بەلگىلەردى ۆيرۋستىڭ سيمپتومى دەپ ساناماي، ەرەكشە جاعداي دەپ قاراعان ءجون.