«قىتايلىق ارىپتەستەرمەن تىعىز بايلانىستا بولدىق. جالپى، ىندەتپەن كۇرەستە سىزدەرگە جانە قازاقستاننىڭ دارىگەرلەرىنە العىس ايتقىم كەلەدى. مەديتسينا قىزمەتكەرلەرىمىز الەمدىك تاجىريبەنى زەرتتەۋگە اشىق، دۇنيەجۇزىلىك دەنساۋلىق ساقتاۋ ۇيىمىمەن دە جۇمىس ىستەۋدەمىز. بۇگىندە عىلىمي مەديتسينا بار، سايكەسىنشە، تەك عىلىم نەگىزىندە ۇزدىك تاجىريبەلەردى زەرتتەپ، ەنگىزۋىمىز كەرەك. سوندىقتان قىتايدان كەلگەن دارىگەرلەردىڭ وزىق تاجىربەلەرىن زەرتتەۋدىڭ مۇمكىندىگى بولدى»، - دەدى ە. ءبىرتانوۆ.
وسى ورايدا مينيستر ق ح ر دارىگەرلەرىنىڭ تاجىريبە الماسۋ ءۇشىن كەلگەن ساپارى بۇل سالاداعى ىنتىماقتاستىقتى نىعايتۋعا تىڭ سەرپىن بەرەتىنىن ايتتى. سونىمەن قاتار، ەلىمىزدە كوروناۆيرۋسپەن كۇرەس شارالارىنا جۇمىلدىرىلعان دارىگەرلەردىڭ قىتايعا ساپارىن ۇيىمداستىرۋدىڭ ماڭىزدىلىعى اتاپ ءوتىلدى. بۇل تۇرعىدا ەلجان ءبىرتانوۆ بۇل باستامانى ديپلوماتيالىق جولمەن پىسىقتاۋ كەرەكتىگىن جەتكىزدى.
«مەنىڭ ويىمشا، بۇل باعىتتاعى تاجىريبە الماسۋ شارالارى وتە ماڭىزدى بولادى. كوروناۆيرۋسپەن كۇرەستى ءتيىمدى جۇرگىزۋ ءۇشىن اتالعان ۇسىنىستى پىسىقتاۋدى سۇرايمىن. قاجەت بولعان جاعدايدا، قىتايدىڭ دەنساۋلىق ساقتاۋ مينيسترىنە ءتيىستى حاتتى جولداۋعا ءازىرمىن»، - دەدى ۆەدومستۆو باسشىسى.
ونلاين- كونفەرەنسيا سوڭىندا ە. ءبىرتانوۆ ق ر دەنساۋلىق ساقتاۋ مينيسترلىگى اتىنان ەلىمىزدە كوروناۆيرۋس ينفەكسياسىمەن كۇرەسۋگە قوسقان زور ۇلەسى ءۇشىن قىتايلىق دەلەگاتسياعا العىس ايتتى. وسى ورايدا كورشى ەلدىڭ دارىگەرلەرى «ق ر دەنساۋلىق ساقتاۋ ىسىنە قوسقان ۇلەسى ءۇشىن» توسبەلگىسىمەن ماراپاتتالدى.
ەستەرىڭىزگە سالا كەتەيىك، 9 - ءساۋىر كۇنى قىتايدىڭ شىڭجان- ۇيعىر اۆتونوميالىق ولكەسىنەن دارىگەرلەر قازاقستان استاناسىنا كەلدى. قىتايدان ارنايى كەلگەن 10 دارىگەردىڭ اراسىندا پۋلمونولوگ، ەپيدەميولوگ ماماندار، قوعامدىق دەنساۋلىق ساقتاۋ ساراپشىلارى بار. 15 كۇندىك ساپاردا ولار كوروناۆيرۋس ينفەكسياسىن جۇقتىرعانداردى دياگنوستيكالاۋ، ەمدەۋ جانە قوعامدىق دەنساۋلىق ساقتاۋ ماسەلەلەرىن تالقىلادى.
اۆتور: رۋسلان عابباسوۆ