جەر كۇنى 1970 -جىلدىڭ 22 - ساۋىرىنەن باستاپ بەلگىلەندى. ول كەزدە 20 ميلليون امەريكالىق ەكولوگيالىق بىلمەستىككە نارازىلىق بىلدىرگەن ەدى. ەكولوگتاردىڭ ايتۋىنشا، عالامدىق كوروناۆيرۋس پاندەمياسى جەر پلانەتاسىنىڭ ەكولوگياسىنا وڭ اسەر ەتۋدە.
كارانتينگە بايلانىستى يتاليانىڭ ايگىلى جانە ەڭ تانىمال تۋريستىك قالالارىنىڭ ءبىرى - ۆەنەتسيانىڭ كوشەلەرى قاڭىراپ بوس قالدى. موتورلى قايىقتاردىڭ قوزعالىسى توقتاپ، ارنالاردىڭ سۋى بۇعان دەيىن بولماعان ءمولدىر سۋعا اينالدى. ال سولتۇستىك ءۇندىستاننىڭ تۇرعىندارى 30 جىل ىشىندە العاش گيمالاي شىڭىن تاماشالادى.
اۋەناۆيگاتسياسىنىڭ قاۋىپسىزدىگى بويىنشا ەۋروپالىق ۇيىم پاندەمياعا دەيىنگى جانە پاندەميادان كەيىنگى ەۋروپا اسپانىنداعى ۇشاقتاردىڭ قوزعالىس بەلسەندىلىگىن جاريالاعان ەدى. ايتارلىقتاي ايىرماشىلىقتى بايقاۋعا بولادى.
www.24.kz