اتقىلاۋ بارىسىندا ىستىق لاۆا مەن جانارتاۋ كۇلى شاشىراپ، جەر بەتىنىڭ ورتاشا تەربەلىسى بايقالدى. جانارتاۋ بەلسەندىلىگى جۇما كۇنى سەزىلدى. اتقىلاۋ 5 كيلومەتر بيىكتىككە كۇل شاشىراۋ ارقىلى باستالدى.
جەرگىلىكتى ب ا ق مالىمەتىنشە، ايماقتىڭ سەيسميكالىق بەلسەندىلىگى بىردەن ارتىپ كەتكەن. قالىڭ ءتۇتىندى 30 شاقىرىم قاشىقتىقتان كورۋگە بولادى. جانارتاۋ كاتانيا سيتسيليالىق پورت قالاسىنا جاقىن ماڭدا. ايتا كەتسەك، جانارتاۋ اتقىلاۋ جەرگىلىكتى تۇرعىندار مەن ولاردىڭ مۇلكىنە قاۋىپ توندىرمەيدى. وعان قوسا، ونىڭ كوروناۆيرۋس پاندەمياسى سالدارىنان قىزمەتى شەكتەلگەن حالىقارالىق كاتانيا اۋەجايىنىڭ جۇمىسىنا كەرى اسەرى بولمادى.
ەسكە سالا كەتسەك، ەتنا ەۋروپاداعى ەڭ بيىك سونبەگەن جانارتاۋ. 2013 -جىلدىڭ ماۋسىم ايىندا يۋنەسكو- نىڭ الەمدىك مۇرالار تىزىمىنە ەندى.