شەت ەلدەردەن كەلگەن گۋمانيتارلىق كومەك قايدا تاراتىلادى

بۇل تۋرالى «س ق- فارماتسيا» ج ش س باسقارما ءتوراعاسى بەرىك ءشارىپ ايتىپ بەردى، دەپ حابارلايدى قازاقپارات.

قازاقستانعا قىتايدان گۋمانيتارلىق كومەكتىڭ ءبىرىنشى پارتياسى جەتكىزىلدى «ەلىمىزدەگى توتەنشە جاعداي جونىندەگى مەملەكەتتىك كوميسسيا شەشىمىمەن ءبىرىڭعاي ديستريبيۋتور شەت ەلدەن كەلەتىن گۋمانيتارلىق كومەكتى قابىلداۋشى بولىپ سانالادى. ءبىز ا ق ش، قىتاي، وڭتۇستىك كورەيا، جاپونيا، تۇركيا بىرىككەن اراب امىرلىكتەرى ەلدەرىنەن گۋمانيتارلىق كومەكتى قابىلدادىق» ، - دەدى ب. ءشارىپ ورتالىق كوممۋنيكاتسيالار قىزمەتىندە وتكەن بريفينگ بارىسىندا.

ونىڭ ايتۋىنشا، گۋمانيتارلىق كومەك ارقىلى دارىلىك زاتتار مەن سەنسورلى تەرمومەتر، پيرومەتر، مەديتسينالىق ماسكالار، ءبىر رەتتىك قورعانىس كيىمدەرى جەتكىزىلگەن.

«اتاپ ايتقاندا 42450 دانا ءبىر رەتتىك قورعانىس كيىمىن قابىلداپ، ەلىمىزدىڭ مەديتسينالىق مەكەمەلەرىنە جەتكىزدىك. 320 مىڭ مەديتسينالىق ماسكا، وكپەنى جاساندى جەلدەتۋ اپپاراتتارى مەملەكەتتىك مەكەمەلەرگە تاراتىلدى. سونىمەن بىرگە، 13 - ساۋىردە حالىقتىڭ از قامتىلعان بولىگى ءۇشىن 5 ميلليون دانا ماسكا ساتىپ الىندى. قازىرگى ۋاقىتتا Nur Otan پارتياسى، «بىرگەمىز» قورى ۆولونتەرلىك ۇيىمدار ارقىلى بۇل ماسكالاردى تۇرمىسى ناشار جاندارعا تاراتىپ جاتىر» ، - دەدى سپيكەر.