اراسىندا وتباسىڭىزبەن نە بىرگە تۇراتىن دوستارىڭىزبەن وي سەرگىتىپ، قاراپايىم ويىنداردى ويناپ تۇرۋ قاجەت.
«تەڭىزدەگى ۇرىس»
ەشقاشان ۇمىتىلمايتىن ويىن. مەكتەپ پارتاسىندا وتىرعان كەزدە قولىمىزعا قالام مەن قاعازدى الا سالىپ، كەمەلەرمەن سوعىسقا اتتاناتىنبىز. قازىر تەك جانىڭىزداعى اداممەن عانا ەمەس، تەلەفون ارقىلى الىستاعى دوسىڭىزبەن ويناساڭىز بولادى.
«كروكوديل»
بالا كەزدە لاگەردە ءجيى وينايتىن ويىن ەسىڭىزدە مە؟ ارينە، بۇل «كروكوديل» ويىنى ەدى. ەكى كومانداعا بولىنگەن سوڭ قارسىلاستىڭ ءبىر مۇشەسىنە جاسىرىن ءسوز ايتادى. ال ول ءوز كەزەگىندە كوماندالاستارىنا جاسىرىن ءسوزدى يشارا جاساۋ ارقىلى نە ىمداپ تۇسىندىرەدى.
«قالپاق»
ويىنعا قاتىسۋشىلار 10 سوزدەن قاعازعا جازىپ، ونى قالپاققا سالادى. سوسىن ويىنشىلار كەزەكپەن قالپاق ىشىندەگى قاعازدى الادى. ويىنشى 1 مينۋتتىڭ ىشىندە قاعازدا جازىلعان جاسىرىن سوزگە وزگە قاتىسۋشىلارعا يشارا جاساۋ ارقىلى نە ىمداپ تۇسىندىرەدى. جاسىرىن ءسوز تابىلسا، قالپاقتا جاتقان باسقا قاعازدى الۋ قاجەت. دەگەنمەن ۋاقىت شەكتەۋلى ەكەنىن ەستەن شىعارماڭىز.
«مەن ەشقاشان...»
ءبىرىنشى ويىنشى ومىرىندە ىستەپ كورمەگەن ءىس- ارەكەتتى ايتىپ، ويىندى باستايدى. ال بۇل ارەكەتتى ىستەگەن ءوز قاتىسۋشىلار وعان ءبىر قاعازدان بەرەدى. جەڭىمپازدى ويىن سوڭىندا قاعاز سانى بويىنشا انىقتايدى. كىم كوپ جينادى - سول جەڭىمپاز!
«مەن كىممىن؟»
قاتىسۋشىلار قاعازعا تانىمال كەيىپكەرلەردىڭ نە تۇلعانى اتى- ءجونىن جازادى. سوسىن ويىنشىلار كەزەكپەن قاعازدى الىپ، وزىنە كورىنبەيتىندەي ەتىپ ماڭدايىنا ىلەدى. ءسىز ماڭدايىڭىزداعى قاعازدا كىمنىڭ جازىلعانىن تابۋىڭىز قاجەت. ول ءۇشىن وزگە قاتىسۋشىلارعا سۇراق قويا الاسىز. ءبىراق ولار تەك «ءيا» نە «جوق» دەپ جاۋاپ بەرە الاتىنىن ەسكەرىڭىز.
«راس پا، وتىرىك پە؟»
ءار ويىنشى ءبىر راس جانە ءبىر ويدان قۇرالعان وقيعانى ايتادى. ال وزگە ويىنشىلار قايسىسى راس ەكەنىن تابۋى قاجەت.
ا Massaget.kz