باسىلىمنىڭ مالىمەتىنە سايكەس، ۇڭگىردى پانالاعان ساياحاتشىلار فرانسيا، ا ق ش، ۋكراينا، تۇركيا جانە نەپالدان كەلگەندەر ەكەن. ولار اقشالارى تاۋسىلعان سوڭ 24 - ناۋرىزدان باستاپ ريشيكەش قالاسىنىڭ ماڭىنداعى ۇڭگىردە تۇرۋعا ءماجبۇر بولعان.
باسىلىمعا سۇحبات بەرگەن پوليتسيا ينسپەكتورى رادجەندر سينگح ۇڭگىردەن تابىلعان التى ساياحاتشىنى ون ءتورت كۇندىك كارانتين كۇتىپ تۇرعانىن ايتادى. ءبىراق ولاردىڭ ەشقايسىسىندا ۆيرۋستىڭ سيممتومدارى انىقتالماپتى.
ءۇندىستان شەكاراسى جابىلعانعا دەيىن تۋريستەر مۋني كي رەتي قوناق ۇيىندە بولعان. ءوز ەلدەرىنە ۇشىپ كەتۋگە ۇلگەرمەي قالعان سوڭ، قالعان ازىن- اۋلاق قارجىلارىن كەرەك- جاراق زاتتار مەن تاماققا جاراتۋ ءۇشىن ۇڭگىردە تۇرۋعا ءماجبۇر بولعان.
ءۇندىستان شەكاراسى جابىلعان مەزەتتە مىڭداعان شەتەلدىكتەر «تىپىرلاپ» قالعانى بەلگىلى. سونىڭ ىشىندە تەك ريشيكەش قالاسىنىڭ وزىندە 700 ساياحاتشى قالىپ كەتكەن. ءبىراق، ءار ەلدىڭ ۇكىمەتى ازاماتتارىنا ارنايى رەيسكە تاپسىرىس بەرىپ، كەيىن قايتارعان. الگى التاۋ سوعان ىلىكپەي قالعاندار.