سەبەبى الەم ەلدەرى ىندەتتىڭ جولىن بوگەۋ ءۇشىن بارىنشا شەكتەۋ شارالارىن قابىلداپ جاتسا، بۇل ەلدە كەڭسەلەر مەن دۇكەندەر سول كۇيى اشىق. ودان بولەك، كاسىپورىندار، ءبىلىم بەرۋ مەكەمەلەرى مەن قوعامدىق كولىك تە جۇمىس ىستەپ تۇر.
ال دجونس حوپكينس ۋنيۆەرسيتەتى ۇسىنعان مالىمەتكە سۇيەنەر بولساق، 10 ميلليون تۇرعىنى بار شۆەتسيادا قازىرگى تاڭدا 15 مىڭداي ناۋقاس تىركەلگەن. ال قايتىس بولعاندار سانى 1540-قا جەتىپتى.
ەلدىڭ باس ەپيدەميولوگى اندەرس تەگنەللدىڭ ايتۋىنشا، ۆيرۋس حالىق اراسىندا تارالۋى قاجەت. سول كەزدە عانا تۇرعىنداردا ۆيرۋسقا قارسى تابيعي يممۋنيتەت قالىپتاسادى. ال شۆەتسيا پرەمەرى ستەفان ليەۆەن جۋىردا ىندەتپەن كۇرەستە ءاربىر ادام جاۋاپتى ەكەنىن جەتكىزدى. بۇعان قوسا، ول داعدارىستىڭ ۇزاققا سوزىلىپ، قاتەرلى دەرت مىڭداعان ازاماتتىڭ ءومىرىن قيۋى مۇمكىن ەكەنىن دە ايتتى.
جالپى، كەسەل توڭىرەگىندەگى احۋالعا بايلانىستى قازىر كورولدىك وتباسى الاڭداپ وتىر.
ۆيكتوريا حانشايىم، شۆەتسيانىڭ تاق مۇراگەرى:
- شۆەتسيا حالقى مۇندايدى بۇرىن- سوڭدى باستان وتكەرمەگەن. قازىر جاعداي وتە كۇردەلى. ءبىراق ءبىز بۇل كەزەڭدى مىندەتتى تۇردە ەڭسەرىپ شىعامىز. وسى ءبىر دۇربەلەڭدە بارىنشا قولداۋ ءبىلدىرىپ، كومەككە كەلىپ جاتقان ازاماتتار وتە كوپ. مەن سول كىسىلەرگە العىس ايتقىم كەلەدى.
www.24.kz