بۇل تۋرالى نۇر- سۇلتان قالاسى تاۋارلار مەن قىزمەتتەردىڭ قاۋىپسىزدىگى مەن ساپاسىن باقىلاۋ دەپارتامەنتى جۇمىس ورنى مەن كوممۋنيكاتسيالىق نىساندارداعى جۇقپالى اۋرۋلار بويىنشا قاداعالاۋ ءبولىمىنىڭ باسشىسى گۇلنار قاليەۆا ايتىپ بەردى.
«قۇرىلىس نىساندارىنىڭ جۇمىسى تاۋلىك بويى، ال ونەركاسىپ كاسىپورىندارى، ءوندىرىس ورىندارىنىڭ جۇمىسى - 8:00-18:00 ارالىعىندا جۇرگىزىلۋى ءتيىس. ەكىنشىدەن، اكىمشىلىك ءبولىم، ەسەپشىلەر، ەكونوميستەر سىندى تەحنيكالىق پروتسەسكە قاتىسپايتىن، ۇيدەن جۇمىس ىستەي الاتىن قىزمەتكەرلەردى قاشىقتان جۇمىس رەجيمىنە اۋىستىرۋ قاجەت»، - دەدى گ. قاليەۆا ونلاين بريفينگتە.
سونىمەن بىرگە، وندىرىستىك پروتسەستەگى بارلىق قىزمەتكەردىڭ قاۋىپسىزدىگى قامتاماسىز ەتىلۋى كەرەك.
«قوعامدىق كولىك ۋاقىتشا توقتاعاندىقتان، ءوندىرىس ورىندارىنا جۇمىسشىلار ارنايى كولىكپەن جەتكىزىلۋى ءتيىس. قورعانىس ماسكاسى جوقتار جۇمىس اۋماعىنا كىرە المايدى. كەي جەرلەردە قولعاپتىڭ دا بولۋى مىندەتتەلگەن. جۇمىسشىلار ەڭ الدىمەن باقىلاۋ- وتكىزۋ بەكەتىندە دەنە قىزۋىن ولشەتەدى. مۇندا دەنەگە جاناسپايتىن تەرمومەتر اپپاراتتارى الىنۋى ءتيىس. دەنە قىزۋى بايقالعان ادامدار دەرەۋ وقشاۋلانىپ، جەدەل جاردەم قىزمەتى شاقىرىلۋى ءتيىس»، - دەدى گ. قاليەۆا.
ەسكە سالا كەتەيىك، ق ر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ مەملەكەتتىك كوميسسياسى بۇگىننەن باستاپ نۇر- سۇلتان جانە الماتى قالالارىندا جۇمىسىن باستايتىن كاسىپكەرلىك سۋبەكتىلەردىڭ ءتىزىمىن بەكىتتى. تىزىمدە ونەركاسىپتىك كاسىپورىندار، قۇرىلىس جانە جول- قۇرىلىس سالالارىنىڭ كومپانيالارى، ءىرى قۇرىلىس دۇكەندەرى، كولىك، قويما كومپانيالارى، اۋىل شارۋاشىلىعى ماقساتىنداعى سەرۆيستىك كومپانيالار، اۆتوسالوندار، ت ق س، اۆتو جۋۋ، دوڭگەلەك اۋىستىرۋ سەرۆيسى، اۆتوبولشەكتەر دۇكەندەرى، حيميالىق تازالاۋ، كەڭسە تەحنيكاسىن جوندەۋ جانە ەكىنشى دەڭگەيلى بانكتەر بار.
اۆتور: ايجان سەرىكجان قىزى