نۇر-سۇلتانداعى شاعىن اۋداندارعا گاز تاراتۋ جەلىلەرى سالىنۋدا

ماگيسترالدىق گاز قۇبىرىنىڭ مونتاجى اياقتالۋ ساتىسىندا، دەپ حابارلايدى قازاقپارات قالالىق اكىمدىككە سىلتەمە جاساپ.

ەلوردا اكىمى التاي كولگىنوۆ جەلىلەردى جۇرگىزۋ بارىسىن تەكسەردى.

«گاز قۇبىرى قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ تاپسىرماسىنا سايكەس سالىنىپ جاتىر. ەلوردانى ودان ءارى دامىتۋ جونىندەگى كەڭەستە مەملەكەت باسشىسى قاسىم-جومارت توقايەۆ قالانى گازداندىرۋ پروتسەسىن باقىلاۋعا الۋدى تاپسىردى»، - دەپ حابارلاندى اكىمدىكتىڭ Instagram پاراقشاسىندا.

ەلوردا اكىمى التاي كولگىنوۆ جۇمىس قارقىنىن تومەندەتپەۋ قاجەتتىگىن اتاپ ءوتتى.

جەلەزودوروجنىي ەلدىمەكەنىندە گاز تاراتۋ جەلىلەرىنىڭ ۇشتەن ءبىرى سالىندى. سونىمەن بىرگە بۇل جۇمىستار كوكتال-1، كوكتال-2 جانە اگروگورودوك ەلدىمەكەندەرىندە جۇرگىزىلىپ جاتىر.

2020-2023-جىلدارى قالانىڭ ونەركاسىپتىك سەكتورى مەن ەلدىمەكەندەردى گازداندىرۋ 3 كەزەڭدە وتەدى: كەلەسى جىلىتۋ ماۋسىمىندا كوكتال-1، كوكتال-2، اگروگورودوك، پرومىشلەننىي، جەلەزنودوروجنىي ەلدىمەكەندەرى گازبەن قامتىلادى.

ەكىنشى كەزەڭدە ميچۋرينو، ينتەرناتسيونالنىي، كۇيگەنجار (1-2 ءشى ك ق)، تەلمان (3 ءشى ك ق)، پريگورودنىي، Garden Village جانە Family Village (4 ءشى ك ق) ەلدىمەكەندەرى قامتىلادى.

ءۇشىنشى كەزەڭدە يلينكا (1-2- ءشى ى ك ق)، شۇبار (3- ءشى ى ك ق)، ءوندىرىس (4- ءشى ى ك ق) ەلدىمەكەندەرى گازداندىرىلادى. گاز وتكىزۋ قالاداعى زياندى قالدىقتاردىڭ 6 ەسەگە، قاتتى زاتتاردىڭ - 40 مىڭ تونناعا دەيىن ازايۋىنا مۇمكىندىك بەرەدى.