ءۇندىستاننىڭ پرەمەر-ءمينيسترى قاسىم جومارت توقايەۆقا جاۋاپ بەردى
«جىلى سوزدەرىڭىز ءۇشىن پرەزيدەنت @TokayevKZ سىزگە راحمەت. ءۇندىستان مەن قازاقستان - ستراتەگيالىق سەرىكتەستەر. وسىنداي قيىن شاقتاردا ىنتىماقتاستىق پەن نيەتتەستىك ەكى ەلدىڭ اراسىنداعى دوستىق بايلانىستى كۇشەيتە تۇسەدى»، - دەپ جازدى ءۇندىستاننىڭ پرەمەر-ءمينيسترى نارەندرا مودي Twitter- دەگى پاراقشاسىندا.
ەسكە سالا كەتسەك، 18- ساۋىردە ق ر پرەزيدەنتى قاسىم جومارت توقايەۆ پاندەميامەن كۇرەسكە ارنالعان ءدارى-دارمەك جىبەرگەنى ءۇشىن ءۇندىستان ۇكىمەتىنە جانە پرەمەر-مينيسترىنە العىس بىلدىرگەن ەدى.
«پاندەميامەن كۇرەسكە ارنالعان ءدارى-دارمەك جىبەرگەنى ءۇشىن ءۇندىستان ۇكىمەتىنە جانە پرەمەر-مينيستر @NarendraModi مىرزاعا شىنايى العىسىمدى بىلدىرەمىن. وسى كومەك ءۇندىستان شەتەلگە ءدارى ەكسپورتتاۋدى توقتاتقان كەزدە جىبەرىلىپ وتىر. بۇل ناعىز دوستىق پەن نيەتتەستىكتىڭ بەلگىسى دەپ سانايمىن»، - دەپ اتاپ وتكەن ق ر پرەزيدەنتى.