الماتىدا كوروناۆيرۋس جۇقتىرعان ەكىنشى جۇكتى ايەل بوساندى
11:14, 19 - ءساۋىر 2020
الماتى. قازاقپارات - الماتىدا كوروناۆيرۋس جۇقتىرعان جۇكتى ايەل امان ەسەن بوساندى.
بالاعا ۆيرۋس جۇقپاعان، دەپ حابارلايدى قازاقپارات ءتىلشىسى.
قالالىق قوعامدىق دەنساۋلىق ساقتاۋ باسقارماسىنىڭ حابارلاۋىنشا، جۇكتىلىكتىڭ 36-اپتاسىندا كەلگەن كەلىنشەكتى 1№ اۋرۋحانانىڭ دارىگەرلەرى بوساندىرعان.
«نارەستەدەن كوروناۆيرۋسقا تەست الىندى. ول ۆيرۋس جوقتىعىن كورسەتتى. قىز بالا قازىر بالالار بولىمىندە جاتىر»، - دەدى ستاتسيوناردىڭ باس دارىگەرى ءسابيت پازىلوۆ.
قازىر اناسى مەن بالاسىنىڭ جاعدايى تۇراقتى.
ايتا كەتۋ كەرەك، 15- ساۋىردە الماتىدا تاعى ءبىر كوروناۆيرۋس جۇقتىرعان كەلىنشەك بوسانعان بولاتىن. سالماعى 3 كەلى بولىپ تۋعان ۇل بالا دا ۆيرۋستان ءدىن امان بولىپ شىقتى.