وڭتۇستىك كورەيا الماتىعا كوروناۆيرۋستى انىقتايتىن تەستىلەر جەتكىزدى

الماتى. قازاقپارات - قازاقستاننىڭ سەۋلدەگى ەلشىلىگىنىڭ قولداۋىمەن الماتى قالاسىنىڭ قوعامدىق دەنساۋلىق ساقتاۋ باسقارماسى Medical Partner Korea مەديتسينالىق كلينيكاسىنان COVID-19 ىندەتىن انىقتايتىن 1 مىڭ دانا مەديتسينالىق تەستىن سىيعا الدى، دەپ حابارلايدى قازاقپارات ق ر س ءى م باسپا ءسوز قىزمەتىنە سىلتەمە جاساپ.

«وسىعان دەيىن دە قازاقستاندا كوروناۆيرۋس ينفەكتسياسىنىڭ تارالۋىنا قارسى كۇرەس اياسىندا وڭتۇستىك كورەيا ەلىمىزگە ءتۇرلى مەديتسينالىق قورعانىس قۇرالدارىن جولداعان بولاتىن. قازاقستان سىرتقى ىستەر مينيسترلىگى دوستاس وڭتۇستىك كورەياعا وسىنداي كۇردەلى كەزەڭدە بۇكىل ادامزاتقا كورسەتكەن مەيىرىمدى ءىس-ارەكەتىنە العىس بىلدىرەدى»، دەلىنگەن مينيسترلىكتىڭ Telegram-داعى پاراقشاسىندا.