بۇل تۋرالى ق ر ۇكىمەتىنىڭ 2020-جىلعى 17- ساۋىردەگى 220№ قاۋلىسىندا جازىلعان.
«قازاقپارات» ح ا ا وقىرمان نازارىنا قۇجات ءماتىنىن ۇسىنادى.
***
قازاقستان رەسپۋبليكاسى ۇكىمەتىنىڭ 2020-جىلعى 17- ساۋىردەگى 220№ قاۋلىسى كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ (كەتۋىنىڭ) جانە ولاردىڭ قازاقستان رەسپۋبليكاسىندا بولۋىنىڭ كەيبىر ماسەلەلەرى تۋرالى «قۇقىقتىق اكتىلەر تۋرالى» 2016-جىلعى 6- ساۋىردەگى قازاقستان رەسپۋبليكاسىنىڭ زاڭى 46-بابىنىڭ 1-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قازاقستان رەسپۋبليكاسى ۇكىمەتىنىڭ 2012-جىلعى 21- قاڭتارداعى 148№ قاۋلىسىمەن (قازاقستان رەسپۋبليكاسىنىڭ پ ۇ ا ج- ى، 2012 ج. 29№، 388-قۇجات) بەكىتىلگەن كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ، سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىنىڭ 17-تارماعىنىڭ قولدانىلۋى 2020-جىلعى 1- قاراشاعا دەيىن توقتاتىلا تۇرسىن.
2. «قازاقستان رەسپۋبليكاسى ۇكىمەتىنىڭ 2012-جىلعى 21- قاڭتارداعى 148№ قاۋلىسىمەن بەكىتىلگەن كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ، سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىنىڭ 26-1-تارماعىنىڭ قولدانىلۋىن توقتاتا تۇرۋ تۋرالى» قازاقستان رەسپۋبليكاسى ۇكىمەتىنىڭ 2020-جىلعى 27- قاڭتارداعى 10№ قاۋلىسىنا («ەگەمەن قازاقستان»، 2020 ج. 28.01. 18№ (29747)) مىناداي وزگەرىس ەنگىزىلسىن:
1-تارماق مىناداي رەداكتسيادا جازىلسىن:
«1. قازاقستان رەسپۋبليكاسىنا كەلۋدىڭ، بولۋدىڭ جانە ودان كەتۋدىڭ جەتپىس ەكى ساعاتتىق ۆيزاسىز رەجيمىنىڭ قولدانىلۋى بولىگىندە قازاقستان رەسپۋبليكاسى ۇكىمەتىنىڭ 2012-جىلعى 21- قاڭتارداعى 148№ قاۋلىسىمەن (قازاقستان رەسپۋبليكاسىنىڭ پ ۇ ا ج- ى، 2012 ج. 29№، 388-قۇجات) بەكىتىلگەن كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ، سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىنىڭ 26-1-تارماعىنىڭ قولدانىلۋى 2020-جىلعى 1- قاراشاعا دەيىن توقتاتىلا تۇرسىن.».
3. قازاقستان رەسپۋبليكاسىنىڭ سىرتقى ىستەر مينيسترلىگى قازاقستان رەسپۋبليكاسى ۇكىمەتىنىڭ 2012-جىلعى 21- قاڭتارداعى 148№ قاۋلىسىمەن بەكىتىلگەن كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ، سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىندا كورسەتىلگەن مەملەكەتتەرگە ديپلوماتيالىق ارنالار ارقىلى حابارلاما جىبەرسىن.
4. قازاقستان رەسپۋبليكاسىنىڭ سىرتقى ىستەر جانە ىشكى ىستەر مينيسترلىكتەرى، قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى (كەلىسۋ بويىنشا) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وسى قاۋلىدان تۋىندايتىن ءتيىستى شارالاردى قابىلداسىن.
5. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى ا. مامين