وسىعان ساي اۋداننىڭ باس مەملەكەتتىك سانيتارلىق دارىگەرى ە. ەشكەنوۆتىڭ قاۋلىسى قابىلداندى، دەپ حابارلايدى قازاقپارات ءتىلشىسى الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
اتالعان قاۋلىدا كارانتين كەزىندەگى شەكتەۋلەر، سانيتارلىق- دەزينفەكسيالىق شارالار تۋرالى ەگجەي- تەگجەيلى اتاپ كورسەتىلگەن. قاۋلى تالاپتارىنا سايكەس سارىوزەك تۇرعىندارىنىڭ ۇيدەن شىعۋىنا تىيىم سالىنادى. ءبىر وتباسىدان تەك ءبىر ادامعا عانا كۇنىنە ءبىر رەت ازىق- تۇلىككە، ءدارىحاناعا، ءبىرىنشى كەزەكتەگى قاجەتتىلىكتەر الۋعا شىعۋىنا رۇقسات ەتىلەدى. كارانتين رەجيمىن بۇزعان ازاماتتار قازاقستان رەسپۋبليكاسىنىڭ زاڭنامالارىنا سايكەس اكىمشىلىك جاۋاپقا تارتىلادى.
اتاپ وتسەك، سارى وزەكتەگى كارانتين 17- ساۋىردەن 18-ىنە قاراعان تۇنگى ساعات 00.00-دەن 1 - مامىرعا دەيىن سوزىلادى دەپ بەلگىلەنگەن.
ەستەرىڭىزگە سالا كەتەيىك، بۇگىن الماتى وبلىسىندا كوروناۆيرۋسپەن اۋىرعاندار سانى تاعى 8 ادامعا ارتتى. ونىڭ ىشىندە كەربۇلاق اۋدانىندا COVID ينفەكسياسىن جۇقتىرعان ادامداردىڭ سانى - بەسەۋ. ولاردىڭ ەڭ ۇلكەنى 35 جاستا، ەڭ كىشىسى 3 جاستاعى بالا. سىرقاتتارمەن بايلانىستا بولعان 38 ادام كارانتينگە الىندى. جالپى الماتى وبلىسىندا كوروناۆيرۋسپەن اۋىرعاندار سانى 37-گە جەتتى.
اۆتور: سامال قابىشيەۆا