سانالى عۇمىرىن وبلىستىڭ ەكونوميكاسى مەن الەۋمەتتىك دامۋىنا ارناعان ابزال ازامات، ورداباسى اۋدانىنىڭ اكىمى وسەربايەۆ الىپبەك شارىپبەك ۇلى 58 جاستان اسقان شاعىندا مەزگىلسىز دۇنيەدەن وزدى.
الىپبەك شارىپبەك ۇلى 1961 -جىلى 20 - تامىزدا بۇرىنعى وڭتۇستىك قازاقستان وبلىسى، قىزىلقۇم اۋدانى، بالتاكول اۋىلىندا شارۋا وتباسىندا دۇنيەگە كەلگەن. 1983 -جىلى قازاق حيميا- تەحنولوگيالىق ينستيتۋتىن بىتىرگەن. ماماندىعى بويىنشا - حيميك- تەحنولوگ. ەڭبەك جولىن 1983 -جىلى قاراعاندى اسبەست- سەمەنت ونىمدەرىن شىعاراتىن زاۋىتتىڭ ماشينيستى بولىپ باستاعان.
1983-2005 -جىلدارى قۇرىلىس سالاسىندا ەڭبەك ەتىپ، 2007 -جىلدان بۇگىنگى كۇنگە دەيىن تۇركىستان قالاسى اكىمدىگىنىڭ قۇرىلىس ءبولىمىنىڭ مەڭگەرۋشىسى، كەنتاۋ قالاسى اكىمىنىڭ ورىنباسارى، تۇركىستان قالاسى اكىمىنىڭ ورىنباسارى، تۇركىستان قالاسىنىڭ اكىمى، وڭتۇستىك قازاقستان وبلىسى كاسىپكەرلىك جانە يندۋستريالدى- يننوۆاتسيالىق دامۋ باسقارماسىنىڭ باسشىسى، وڭتۇستىك قازاقستان وبلىسى اكىمىنىڭ ءبىرىنشى ورىنباسارى، تۇركىستان قالاسىنىڭ اكىمى، ورداباسى اۋدانىنىڭ اكىمى قىزمەتتەرىن ابىرويمەن اتقاردى.
قوعامعا سىڭىرگەن ەڭبەگى ءۇشىن الىپبەك وسەربايەۆ بىرنەشە مەملەكەتتىك ناگرادالارمەن ماراپاتتالدى. ونىڭ ىشىندە «استاناعا 10 جىل»، «قازاقستان رەسپۋبليكاسىنىڭ تاۋەلسىزدىگىنە 25 جىل» مەرەكەلىك مەدالدارى مەن «قۇرمەت» وردەنى بار.
«الىپبەك شارىپبەك ۇلى قانداي دا ءبىر جاۋاپتى مەملەكەتتىك قىزمەتتە بولماسىن ءوزىن ىسكەر ۇيىمداستىرۋشى، تالاپشىل باسشى، بىلىكتىلىگىنىڭ ارقاسىندا ءاربىر ءىستىڭ كوزىن تابا بىلەتىن باستاماشىل قاسيەتتەرىمەن وبلىستىڭ دامۋىنا وزىندىك ەڭبەگىن ءسىڭىردى. ونىڭ ىشىندە تۇركىستان قالاسىنىڭ الەۋمەتتىك- ەكونوميكا سالاسىنىڭ ءوسىپ- وركەندەۋىنە ايتارلىقتاي ۇلەس قوستى. ءومىرىن تۋعان وڭىرگە قىزمەت ەتۋگە ارناعان ەل ازاماتىنىڭ بەينەسى حالىقتىڭ ەسىندە ءارقاشان ساقتالا بەرمەك»، - دەيدى مارقۇمنىڭ ارىپتەستەرى.
الىپبەك شارىپبەك ۇلىنىڭ ومىردەن وتۋىنە بايلانىستى ونىڭ وتباسىنا، اعايىن- تۋىستارى مەن ۇرپاقتارىنا، وبلىس جۇرتشىلىعىنا قايعىلارىنا ورتاقتاسىپ، كوڭىل ايتامىز. ءو. شوكەيەۆ، ق. بالابييەۆ، ق. ايتمۇحامەتوۆ، ءا. تۇرعىمبەكوۆ، ج. امانبايەۆ، ۇ. تاجىبايەۆ، م. مىرزاليەۆ، س. قالقامانوۆ، ب. تاجىبايەۆ، ج. ماۋلەنقۇلوۆ، ءو. مەلدەحانوۆ، ر. ايۋپوۆ، ج. ازىرەتبەرگەنوۆ، ت. ءابدىقايىم ۇلى، ب. سادۆاحاسوۆ.