«قازىرگى ۋاقىتتا ەلدە كوروناۆيرۋس ينفەكسياسىن جۇقتىرعانداردىڭ ىشىندە ءبىر جاسقا تولماعان ەكى بالا بار. ولار كلينيكالىق حاتتاماعا سايكەس قانداي پرەپاراتتاردى قانداي مولشەردە بەرۋ كەرەكتىگى بەكىتىلگەن تارتىپكە ساي ەم الۋدا. ول بالالاردىڭ ءبىرىنىڭ جاعدايى قاناعاتتانارلىق، ۆيرۋس جۇقتىرعانىمەن اۋرۋدىڭ بەلگىسى بايقالمايدى. ەكىنشى بالانىڭ جاعدايى اۋىر. ءبىراق ول بالا تۋابىتتى پاتولوگياسىنا بايلانىستى اۋىر جاعدايدا جاتىر»، - دەدى ايجان ەسماعامبەتوۆا و ك ق- دا ونلاين رەجيمدە وتكەن باسپا ءسوز ءماسليحاتىندا.
مەملەكەتتىك باس سانيتارلىق دارىگەرى قىتايدان كەلگەن مەديتسينا ماماندارىنىڭ تاجىريبەسى تۋرالى دا ءسوز قوزعادى. «قىتايلىق ماماندار كوروناۆيرۋستىڭ الدىن الۋ بويىنشا قازاقستانداعى شارالارمەن تانىستى. البەتتە ولاردان العان تاجىريبەنى ءبىز ءوز جۇمىسىمىزدا پايدالانىپ جاتىرمىز. جالپى مەديتسينالىق قىزمەتكەرلەردىڭ اراسىندا قازىرگى تاڭدا 13 وڭىردە 423 كوروناۆيرۋس ينفەكتسياسىن جۇقتىرۋ جاعدايى تىركەلدى. جوعارى كورسەتكىش الماتىدا (53 پايىز)، نۇر- سۇلتاندا (33 پايىز)، شىمكەنتتە (24 پايىز) بايقالۋدا. مەديتسينالىق ۇيىمداردا دارىگەرلەردىڭ جەتىسپەۋشىلىگىن بولدىرماۋ ماقساتىندا ءار وڭىردە دارىگەرلەردىڭ 10-20 پايىزدىق رەزەرۆى قاراستىرىلعان. سول سەبەپتى بۇگىنگى تاڭدا مەديتسينا قىزمەتكەرلەرى جەتكىلىكتى دەپ ايتۋعا بولادى»، - دەدى ول.
اۆتور: ايان بەكەن ۇلى