«كوروناۆيرۋس جۇقتىرعان دارىگەرلەرگە 2 ميلليون تەڭگە كولەمىندە وتەماقى تولەنۋى ءتيىس. قازىر اۋرۋحانادا ەپيدەميولوگيالىق تەكسەرۋ جۇرگىزىلىپ جاتىر. ق ر د س م ماماندارىنان قۇرىلعان كوميسسيا ءوز قورىتىندىسىن شىعارعاننان كەيىن بۇل وتەماقى تولەنەتىن بولادى»، - دەدى قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ.
ايتا كەتسەك، الماتىدا 17- ساۋىردە كوروناۆيرۋس جۇقتىرعانداردىڭ سانى 461 گە جەتتى. بۇگىن تىركەلگەن ادامداردىڭ ىشىندە ءبىر 16 جاستاعى جاس ءوسپىرىم بار. ناۋقاستار ىشىندە ورتالىق قالالىق كلينيكالىق اۋرۋحانانىڭ 10 مەديتسينا قىزمەتكەرى، وسى ستاتسيوناردىڭ ەكى پاتسيەنتى، مەديتسينالىق جەدەل جاردەم قىزمەتىنىڭ 1 جۇمىسكەرى، 7№ قالالىق كلينيكالىق اۋرۋحانانىڭ 2 قىزمەتكەرى، 12№ قالالىق ەمحانانىڭ 2 قىزمەتكەرى، الماتى كوپبەيىندىك كلينيكالىق اۋرۋحاناسىنىڭ ەكى قىزمەتكەرى جانە وقشاۋلاۋ ايماعىنداعى ۆيرۋسى بار اداممەن بايلانىستا بولعان 44 ادام انىقتالدى.
بۇگىنگى كۇنى مەگاپوليستىڭ جۇقپالى اۋرۋلار ستاتسيونارلارىندا الماتى وبلىسىنان ناۋقاس ايەلدى ەسەپكە الا وتىرىپ، 392 ادام كوروناۆيرۋستىق ينفەكتسيادان ەمدەلىپ جاتىر. ءبىر پاتسيەنتتىڭ جاعدايى وتە اۋىر، 4 ءۋىنىڭ جاعدايى اۋىر، 92 ادامدا (ولاردىڭ ىشىندە وبلىستان دا پاتسيەنتتەر بار) - ورتاشا دارەجەدە بولسا، 295 ادامنىڭ جاعدايى قاناعاتتانارلىق.
قازىر الماتىدا كوروناۆيرۋس دياگنوزى 234 مەديتسينا قىزمەتكەرىنە قويىلعان. ونىڭ ىشىندە ورتالىق قالالىق اۋرۋحانانىڭ 193، بالالار قالالىق كلينيكالىق جۇقپالى اۋرۋلار اۋرۋحاناسىنىڭ 31، 7№ قالالىق كلينيكالىق اۋرۋحانانىڭ 2، مەديتسينالىق جەدەل جاردەم قىزمەتىنىڭ 3، 12№ قالالىق ەمحانانىڭ 3 مەديتسينا قىزمەتكەرى جانە 11№ مەن 32№ قالالىق ەمحانالاردىڭ ءبىر-بىردەن قىزمەتكەرى اۋىرۋ جۇقتىرعانى بەلگىلە بولدى.