بۇل تۋرالى بۇگىن وتكەن ونلاين-بريفينگتە ق ر د س م تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى باسقارماسىنىڭ باسشىسى زاۋرەش ءجۇمادىلوۆا ايتتى، دەپ حابارلايدى قازاقپارات ءتىلشىسى.
«كوروناۆيرۋستەن قازا تاپقان ادامداردان ىندەت ساۋ ادامعا جۇعا ما؟» دەگەن ساۋال دا ءتۇسىپ جاتىر. ارينە، جۇعادى. قوعامدىق كولىكتەردى، ليفتىلەردى بوستان-بوسقا زالالسىزداندىرىپ جاتقان جوقپىز. ءليفتى تۇيمەشەسىنە قاراعاندا كوروناۆيرۋسپەن اۋىرعان ادام الدەقايدا قاۋىپ تۋدىرادى. سوندىقتان مۇردەگە ونىڭ تۋىستارىنىڭ جاقىنداۋىنا تىيىم سالىپ وتىرمىز. جوعارى قورعانىس قۇرالدارى بار سانيتارلىق-ەپيدەميولوگيا قىزمەتتىڭ باقىلاۋىمەن مۇردەنى جۋۋ جانە جەرلەۋگە دايىنداۋ راسىمدەرىن جۇرگىزەمىز»، - دەدى زاۋرەش ءجۇمادىلوۆا.
سونىمەن قاتار ول قازا تاپقان ادامدار مەن كوڭىل ايتۋشىلاردىڭ اراسىندا قاشىقتىق ساقتالۋى، مۇردە مەن جانازاعا جينالعانداردىڭ ارا قاشىقتىعى كەمىندە 3 مەتر بولۋى تيىستىگىن باسا ايتتى.
ايتا كەتەيىك، ق ر باس مەملەكەتتىك سانيتاريالىق دارىگەرى ايجان ەسماعامبەتوۆا كوروناۆيرۋس ىندەتىنەن قازا تاپقانداردى جەرلەۋ الگوريتمى ايقىندالعان قاۋلى شىعارعان ەدى.
قازاقستان مۇسىلماندارى ءدىني باسقارماسىنىڭ قاۋىپتى جۇقپالى اۋرۋلاردان قايتىس بولعانداردى جەرلەۋ تۋرالى ءپاتۋاسى دا بار. قازاقستاندا كوروناۆيرۋستان 17 ادام قايتىس بولدى. جازىلىپ شىققاندار سانى - 285. سوڭعى مالىمەت بويىنشا، ناۋقاستاردىڭ جالپى سانى 1480 ادامدى قۇرايدى.