ونىڭ ايتۋىنشا، ءبىر اپتا ىشىندە كوروناۆيرۋس جۇقتىرعان جاڭا جاعدايلار ا ق ش تەرريتورياسىنىڭ 30 پايىزىندا تىركەلمەدى.
«ءبىز ۇلكەن جەتىستىككە جەتتىك. ادام سەنبەيتىندەي پروگرەسس دەپ ايتۋىمىزعا بولادى. ساراپشىلاردىڭ مالىمدەۋىنشە، ءبىزدىڭ ستراتەگيامىز ءجۇز مىڭداعان ادامدى قۇتقاردى... ناۋقاستاردىڭ «قيسىق« ءوسىمى تۇزەلىپ كەلەدى. جۇقتىرعاندار سانى كوپ بولاتىن كەزەڭ ارتتا قالدى»، - دەدى ترامپ 16-ساۋىردە جۋرناليستەرگە.
سونىمەن قاتار، ترامپتىڭ سوزىنە قاراعاندا، جاقىندا ەلدىڭ 29 شتاتى كوروناۆيرۋس پاندەمياسىنا بايلانىستى ەنگىزگەن شەكتەۋلەردى الىپ تاستاي الادى.
قازىر ا ق ش COVID-19 جۇقتىرعاندار جانە ودان قايتىس بولعاندار سانى بويىنشا الەمدە ءبىرىنشى ورىندا تۇر. دجونس حوپكينس ۋنيۆەرسيتەتى 16-ساۋىردە ەلدە 654 مىڭ جۇقتىرعانىن جانە 31 مىڭعا جۋىق ادام قايتىس بولعانىن حابارلادى.