بۇگىنگى كۇنگە دەيىن وبلىستا تاعى ءتورت ادام قاتەرلى دەرتتەن تولىق جازىلعان بولاتىن. ولاردىڭ ەمى تولىق اياقتالدى. ەكى مارتە تەست سىناماسى الىندى. وسىلايشا ولاردىڭ سانى التى ادامعا جەتتى.
«سىناما ناتيجەسى تەرىس ناتيجە كورسەتتى. ناۋقاستار كوروناۆيرۋستەن تولىق جازىلدى دەگەن قورىتىندى جاسالدى. ازاماتتار اۋرۋحانادان ۇيلەرىنە شىعارىلدى. ىندەتتى جەڭگەن 2 ناۋقاستىڭ ءبىرى قىزىلوردا قالاسىندا تۇرسا، ەكىنشىسى جاڭاقورعان اۋدانىنىڭ تۇرعىنى. ولار الداعى ۋاقىتتا 14 كۇن بويى ايماقتىق دارىگەرلەر باقىلاۋىندا بولادى»، - دەپ ءمالىم ەتتى قىزىلوردا وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.
بۇگىنگى تاڭدا قىزىلوردا وبلىسىندا 134 ادام اتالعان ينفەكتسيادان ەمدەلىپ جاتىر.