شىمكەنتتە كوروناۆيرۋستان قايتىس بولعان ناۋقاستىڭ جەتىسايلىق زەينەتكەر ەكەنى انىقتالدى

بۇل تۋرالى كەزەكتى بريفينگىدە قالالىق دەنساۋلىق ساقتاۋ باسقارماسى باسشىسىنىڭ ورىنباسارى ايگۇل بەكباۋوۆا مالىمدەدى، دەپ حابارلايدى قازاقپارات ءتىلشىسى.

ايگۇل بەكباۋوۆانىڭ ايتۋىنشا، 1954 -جىلى تۋعان زەينەتكەردىڭ جاعدايى اۋىرلاعان سوڭ سانيتارلىق اۆياتسيامەن شىمكەنتكە جەتكىزىلگەن. «جەتىساي قالاسىنىڭ تۇرعىنى اۋداندىق اۋۋحانادا كوروناۆيرۋس ينفەكسياسىن جۇقتىرعان اداممەن جاقىن بايلانىستا بولعان. 1- ءساۋىر كۇنى بۇل ەر ازاماتتىڭ قاۋىپتى ىندەتكە شالدىققانى انىقتالدى. 4- ءساۋىر كۇنى جاعدايىنىڭ ناشارلاۋىنا بايلانىستى ول شىمكەنت قالالىق جۇقپالى اۋرۋلار اۋرۋحاناسىنا جاتقىزىلعان. وندا تۇسكەن كەزدەگى جاعدايى اۋىر بولعاندىقتان جاساندى تىنىس الۋ اپپاراتىنا قوسىلعان. زەينەتكەردىڭ سونداي- اق، وزگە دە ۆيرۋستىق گەپپاتيت، قانت ديابەتى، باۋىر تسەرروزى، سوزىلمالى پانكرەوتيت سەكىلدى قوسالقى اۋرۋلارى بولعان. ناۋقاسقا بارلىق ەمدەۋ شارالارى جۇرگىزىلىپ، رەسپۋبليكالىق ماماندارمەن بىرنەشە رەت كەڭەستەر وتكىزىلدى. جۇرگىزىلگەن رەانيماتسيالىق شارالارعا قاراماستان ول بۇگىن ساعات 15:00-دە قايتىس بولدى»، - دەدى ايگۇل بەكباۋوۆا.

اۆتور: اينۇر اقبايەۆا