كوروناۆيرۋس ىندەتى قازاقستاندا شارىقتاۋ شەگىنە جەتتى – ق ر د س م

نۇر- سۇلتان. قازاقپارات - قازاقستان كوروناۆيرۋس ينفەكسياسىن جۇقتىرۋدىڭ شارىقتاۋ شەگىنە جەتتىك. بۇل تۋرالى ق ر دەنساۋلىق ساقتاۋ ۆيتسە- ءمينيسترى ءلاززات اقتايەۆا ايتىپ بەردى، دەپ حابارلايدى قازاقپارات ءتىلشىسى.

«ءبىز كوروناۆيرۋس ينفەكسياسىن جۇقتىرۋدىڭ شارىقتاۋ شەگىنە جەتتىك. ياعني، قازىر ەلىمىزدە 100 مىڭ ادامعا 7 ناۋقاستان كەلەدى. وسىعان بايلانىستى، كارانتيننەن بولەك، ەلدى مەكەندەردە جۇمىسىن توقتاتپاعان، ينفەكسيا جۇقتىرۋ قاۋپى جوعارى ادامدارعا اۋقىمدى تەكسەرۋ باستالدى. بۇل تەستىلەۋ 10 - ساۋىردەن 20 - ساۋىرگە دەيىن بەلسەندى تۇردە جۇرگىزىلەدى»، - دەدى ۆيتسە- مينيستر ورتالىق كوممۋنيكاتسيالار قىزمەتىندە وتكەن بريفينگتە.

ونىڭ ايتۋىنشا، اۋرۋدىڭ تارالۋىنا بايلانىستى، مەديتسينالىق قىزمەتكەرلەر ەپيدەمياعا قارسى كۇشەيتىلگەن رەجيمگە اۋىستى. «ءاربىر پاتسيەنتتى ىقتيمال ناۋقاس دەپ قاراعان ءجون، سوندىقتان مەديتسينالىق قىزمەتكەرلەر قورعانىس بۇيىمدارىن قولدانۋى مىندەتتى. ودان بولەك، پروۆيزورلىق ستاتسيونارعا دا جۇقپالى اۋرۋلار اۋرۋحاناسىنىڭ تالاپتارى قويىلادى: مىندەتتى تۇردە بەينەباقىلاۋ، جەلدەتۋ جۇيەسى بولۋى كەرەك، پالاتالاردى تولتىرۋ تسيكلى ساقتالعانى ءجون. ءاربىر اۋىسىم ەكىنشى اۋىسىمنان وقشاۋلانۋى قاجەت. ەڭ باستىسى - مەديتسينالىق ۇيىم باسشىلارى قىزمەتكەرلەردى قورعانىس قۇرالدارىمەن قامتاماسىز ەتۋگە مىندەتتى»، - دەدى ل. اقتايەۆا.

اۆتور: ايجان سەرىكجان قىزى