«الماتى كلينيكالىق ورتالىق اۋرۋحاناسىنداعى كوروناۆيرۋس جۇقتىرۋ جاعدايىنان سوڭ مەنىڭ تاپسىرۋىممەن ق ر دەنساۋلىق ساقتاۋ ۆيتسە ءمينيسترى كامالجان نادىروۆ پەن تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى ءتوراعاسىنىڭ ورىنباسارى نۇرحان سادۋاقاسوۆ الماتى قالالىق قوعامدىق دەنساۋلىقتى ساقتاۋ باسقارماسى باسشىسىمەن بىرگە «كوكتەم» شيپاجايىندا كارانتيندە جاتقان دارىگەرلەرمەن كەزدەسەدى. بارلىق ماسەلە زاڭ اياسىندا شەشىلەدى دەگەن سەنىمدەمىن»، - دەپ جازدى ق ر د س م باسشىسى ەلجان ءبىرتانوۆ Facebook پاراقشاسىندا.
مينيستر الماتىداعى مەديتسينالىق ۇيىمدارداعى كوروناۆيرۋس ينفەكتسياسىنىڭ كۇشەيۋ دەرەگىن زەرتتەۋدى تاجىريبەلى ەپيدەميولوگ، تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى ءتوراعاسىنىڭ ورىنباسارى نۇرحان سادۋاقاسوۆقا جۇكتەدى.
ايتا كەتۋ كەرەك، بۇل كلينيكالىق اۋرۋحانادا 147 قىزمەتكەر كوروناۆيرۋس جۇقتىرعان دەگەن اقپارات جاريالاندى.
«كوكتەم» شيپاجايىندا جاتقان دارىگەرلەر ق ر دەنساۋلىق ساقتاۋ ءمينيسترى مەن پرەزيدەنتتەن اراشا سۇراپ، ۆيدەو تۇسىرگەن بولاتىن.