ولاردى جيناۋ ءۇشىن ەلورداداعى ويىن- ساۋىق ورتالىقتارى مەن ازىق- تۇلىك ساتاتىن ۇلكەن ماركەتتەرگە ەكو جاشىكتەر قويىلدى. جينالعان قوقىس ارنايى سەحقا جەتكىزىلىپ، سوندا قاۋىپسىز جولمەن جويىلادى. ويىن- ساۋىق ورتالىعى نەمەسە سۋپەرماركەتكە كىرە بەرىستە قوراپتى كورگەن بولارسىز. ەلوردا اكىمدىگىنىڭ باستاماسىمەن قالادا ادام كوپ كەلەتىن 20 دان استام ورىنعا وسى ۇلگىدەگى سەكسەننەن استام جاشىك قويىلعان. كەلۋشىلەر وعان پايدالانىلعان قورعانىش قۇرالدارىن تاستاي الادى. تولعانىن ارنايى ماماندار الىپ كەتىپ، ورنىنا جاڭاسىن جەتكىزەدى.
الماز رىساليەۆ، قالالىق قورشاعان ورتانى قورعاۋ جانە تابيعاتتى پايدالانۋ باسقارماسىنىڭ ءبولىم باسشىسى:
- كوروناۆيرۋستىڭ تاراۋىن ازايتۋ ماقساتىندا ورناتىلعان بولاتىن. ول ارنايى «Сlean city»
كومپانياسىمەن ازىرلەرلەنىپ، «Кazecotech» كومپانياسىمەن ەنەرگەتيكالىق ۋتيليزاتسيا ياعني جاعۋ ارقىلى قاۋىپسىز جويۋ جۇرگىزىلۋدە. ماسكالار، پەرچاتكالار قايتادان وڭدەۋگە جاتپايدى، تەك قانا جويۋعا جاتادى. ادامنىڭ سىلەكەيىمەن بىلعانعاندىقتان، ول دا قورشاعان ورتاعا جانە ادام دەنساۋلىعىنا زيان تيگىزۋى مۇمكىن. سوندىقتان ونى جاعۋ جولىمەن جويۋ قاجەت. ال مىناۋ جيناقتالعان قوقىستى جيۋعا ارنالعان سەح. مۇندا جەتكىزىلگەن جاشىك اۋەلى نىعىزدالادى. سوسىن جوعارى تەمپەراتۋرادا جاناتىن پەشكە سالىنادى. مۇندا 50 كەلى قوقىس شامامەن 1 ساعاتتاي جانىپ، دىمى قالماي جوق بولادى. ال ءتۇتىنى ءتۇرلى سۇزگىدەن وتكەندىكتەن اۋاعا تازا بۋ كۇيىندە شىعادى.
ۆلاديمير اندرەيەۆ، «Kazecotech» كومپانياسىنىڭ باسشىسى:
- قۇرىلعى تولىقتاي اۆتوماتتاندىرىلعان. باسقارۋ ەكرانىندا پەشتىڭ جۇمىس پروتسەسى كورىنىپ تۇرادى. جانۋ كەزىندە شىققان ءتۇتىن 1200-1250 گارۋس تەمپەراتۋرادا زالالسىزداندىرىلادى. ودان كەيىن تاعى دا سۇزگىدەن وتەدى. ادەتتە جاعۋ پروتسەسى ەكى كەزەڭنەن تۇرادى. ال مىنا قۇرىلعىدا ءۇش كەزەڭ بار. سوندىقتان قالدىق تا، ۋلى گاز دا قالمايدى. ءدال وسىنداي ەكولوگيالىق ادىسپەن توتەنشە جاعداي رەجيمى باستالعالى 35 كەلى قالدىق جويىلدى. قولعاپ، ماسكا سالماعىنىڭ جەڭىلدىگىن ەسكەرسەك، بۇل از ەمەس. دەسە دە ماماندار قورعانىش قۇرالدارىن كەز كەلگەن جەرگە قالدىرماي، ارنايى بەلگىلەنگەن جاشىكتەرگە تاستاۋ ماڭىزدى ەكەنىن ەسكەرتەدى.