ىلە الاتاۋىندا قىزىل كىتاپقا ەنگەن جانۋارلار فوتوتۇزاققا ءتۇسىپ قالدى
08:30, 14 - ءساۋىر 2020
الماتى. قازاقپارات - الماتىدا ىلە الاتاۋى بوكتەرىندە ق ر قىزىل كىتابىنا ەنگىزىلگەن جابايى جانۋارلار فوتوتۇزاققا ءتۇستى، دەپ حابارلايدى قازاقپارات ءتىلشىسى.
جانۋارلاردى زەرتتەۋ ماقساتىندا جابايى جانۋارلاردىڭ مەكەندەيتىن جەرلەرىنە فوتوتۇزاق ورناتىلعان بولاتىن.
ءبىر فوتوتۇزاققا جابايى جانۋارلار مەن قۇستاردىڭ 10 ءتۇرى تۇسكەن. ونىڭ تورتەۋى - قىزىل كىتاپقا ەنگىزىلگەن قار بارىسى، تيانشان قوڭىر ايۋى، تاس سۋسارى جانە قۇماي قۇسى.
بۇلاردان بولەك ورناتىلعان اپپاراتتى قاسقىر، تۇلكى، قابان، بورسىق، قويان، قۇستاردان گيمالاي ۇلارى كەلىپ باقىلاپ كورگەن.
«بۇل فاكت ۇلتتىق پارك اۋماعىندا جانۋارلاردى قورعاۋ جانە ءوسىمىن مولايتۋ جۇمىسى دۇرىس باعىتتا جۇرگىزىلىپ جاتقانىن دالەلدەيدى»، - دەدى ىلە الاتاۋى ۇلتتىق پاركىنەن.