سەبەبى اۋىز قۋىسىندا جاعىمسىز ءيىستىڭ پايدا بولۋى دەنساۋلىققا بايلانىستى پروبلەمالاردان تۋىنداۋى مۇمكىن. بۇل جازبامىزدا گاليتوزدىڭ پايدا بولۋىنىڭ سەبەپتەرىمەن قاتار گارۆارد ۋنيۆەرسيتەتى مەديتسينا مەكتەبىنىڭ عالىمدارى قانداي كەڭەس بەرەتىنىن دە ايتامىز. اۋىزدان نەلىكتەن جاعىمسىز ءيىس شىعادى؟ كەز كەلگەن ادامنىڭ اۋىز قۋىسىنان جاعىمسىز ءيىس شىعادى. كەيبىر ادامدار ءۇشىن بۇل كۇردەلى ماسەلە. گارۆارد مەديتسينالىق مەكتەبى زەرتتەۋشىلەردىڭ ايتۋىنشا، ادامداردىڭ شامامەن 30 پايىزى ۇنەمى وسى ماسەلەنىڭ شەشىمىن ىزدەيدى. شىن مانىندە، گاليتوز كوبىنەسە تاڭەرتەڭ ۇيقىدان ويانعاننان كەيىن نەمەسە سارىمساق جەگەننەن كەيىن پايدا بولادى. جاعىمسىز ءيىستىڭ باسقا سەبەپتەرىنە ىشىمدىكتەر (الكوگولدى ىشىمدىكتەر نەمەسە كوفە) مەن تەمەكى شەگۋ جاتادى.
تەمەكى شەگۋ - اۋىز قۋىسىنان جاعىمسىز ءيىس شىعۋدىڭ ءجيى كەزدەسەتىن سەبەبىنىڭ ءبىرى. بۇل ەلەكتروندى تەمەكىگە دە قاتىستى. كەيبىر ادامدار مۇنداي پروبلەمانى بىلمەۋى مۇمكىن جانە ول تۋرالى تۋىستارىنان، دوسىنان نەمەسە ارىپتەسىنەن ەستىپ جاتادى. بۇل ءوز- وزىنە دەگەن سەنىمسىزدىكتى تۋدىرادى. ونداي ادامدار جۇرت جينالاتىن ورىننان اۋلاقتا، ادامدارمەن تىعىز قارىم- قاتىناس جاساۋدان قاشقاقتايدى. گاليتوزدان دەر كەزىندە ەمدەلگەن ءجون. جاعىمسىز ءيىستىڭ پايدا بولۋى ىشكى اعزاداعى سىرقاتتىڭ بەلگىسى بولۋى مۇمكىن. اۋىز قۋىسىنىڭ گيگيەناسى مەن ءتىس اۋرۋى بالا كەزىمىزدەن ءتىسىمىزدى كۇنىنە ەكى رەت جۋۋ كەرەك دەپ ۇيرەتتى. ءبىراق ءتىس دارىگەرلەرى ءار تاماق جەگەن سايىن ءتىس تازالاۋ ارتىقتىق ەتپەيتىنىن ايتادى. اۋىس قۋىسىنداعى جاعىمسىز ءيىس ءتىس پەن تىلدە جينالاتىن باكتەريالاردان دا تۋىندايدى. گينگيۆيت جانە پارودونتيت سياقتى ءتىس اۋرۋلارى مەن اۋىزدىڭ قۇرعاۋى (سىلەكەي بەزدەرى اۋىزداعى تابيعي ىلعالدى ۇستاپ تۇرۋ ءۇشىن جەتكىلىكتى سىلەكەي شىعارمايتىن جاعداي) كوپ جاعدايدا گاليتوزدىڭ پايدا بولۋىنا سەبەپ بولادى. تىسپەن قوسا ءتىلدى دا تازالاپ وتىرۋ قاجەت. ول ءۇشىن ارنايى قۇرىلعىلار دا بار. «ءتىس دارىگەرىنە التى ايدا ءبىر رەت بارۋ كەرەك» دەگەن كەڭەستى ءتىس دارىگەرلەرى بەكەر ايتپايدى. ءتىس دارىگەرى تىستەگى اۋرۋلار مەن اۋىز قۋىسىنان شىعاتىن جاعىمسىز يىستەردى ەمدەيدى نەمەسە گاليتوز ىشكى اعزاعا بايلانىستى بولسا ونىڭ سەبەبىن انىقتايدى. ءتىس كاريەسى، پەريودونتيت جانە قىزىليەكتىڭ قابىنۋى سياقتى اۋرۋلاردى دەر كەزىندە ەمدەمەسە گاليتوزدان دا قۇتىلۋىڭىز قيىنعا سوعادى.
ىشكى اعزا اۋرۋلارى تونزيلليت، ءارتۇرلى تىنىس جولدارىنىڭ ينفەكسياسى، مىسالى سينۋسيت نەمەسە برونحيت، سونىمەن قاتار كەيبىر اسقازان- ىشەك اۋرۋلارى دا اۋىز قۋىسىنان جاعىمسىز ءيىستىڭ شىعۋىنا الىپ كەلەدى. سونىمەن قاتار، پروگرەسسيۆتى باۋىر نەمەسە بۇيرەك اۋرۋلارى جانە قانت ديابەتى گاليتوزدىڭ تاعى ءبىر سەبەبى. دەگەنمەن، دارىگەرلەر مۇنداي جاعدايدا ادامدا جاعىمسىز يىستەن بولەك ىشكى اعزانىڭ اۋىرسىنۋى دا بايقالاتىنىن ەسكەرتەدى. وسىنداي جاعدايلار بايقالاتىن بولسا مىندەتتى تۇردە دارىگەرگە ونىڭ ىشىندە ءتىس دارىگەرىنە بارعانىڭىز ءجون. اۋىز قۋىسىنان شىعاتىن جاعىمسىز ءيىستىڭ سەبەبىن انىقتاۋ ءۇشىن ماماندار گاليتوزدى تۋدىراتىن ارنايى شكالا مەن قۇرالداردى پايدالانادى. دارىگەر ادامنىڭ مۇرىن نەمەسە اۋىز ارقىلى شىعاراتىن ءيىسى نەمەسە پاتسيەنت قولدانعان شەتكانىڭ ءيىسى ارقىلى انىقتايدى. كوپ جاعدايدا جاعىمسىز ءيىستىڭ پايدا بولۋى اۋىز قۋىسىنىڭ گيگيەناسىنا بايلانىستى جاعىمسىز يىستەن قالاي ارىلۋعا بولادى؟
گاليتوزدان قۇتىلاتىن بىرنەشە پايدالى كەڭەستەر:
• ءتىس گيگيەناسى - كۇنىنە كەمىندە ەكى رەت ءتىسىڭىزدى جۋىڭىز. مۇمكىن بولسا، ولاردى ءار تاماقتان كەيىن تازالاڭىز.
• ءتىس شەتكاسىن ۇنەمى اۋىستىرىپ وتىرىڭىز نەمەسە ۋلترادىبىستى ءتىس شەتكاسىن ساتىپ الىڭىز. ول ءتىستى جاقسى تازارتادى.
• تەمەكى شەكپەڭىز.
• ەگەر اۋزىڭىز قۇرعاپ كەتە بەرەتىن بولسا، ءبىر كۇن ىشىندە جەتكىلىكتى مولشەردە سۇيىقتىق ءىشىڭىز، قۇرعاق اۋىز قۋىسىنا ارنايى سپرەي نەمەسە ىلعالداندىراتىن گەلدى دە قولدانۋعا بولادى. ەگەر جاقسارۋ بايقالماسا، دارىگەرمەن كەڭەسۋدى ۇمىتپاڭىز.
• ءتىس دارىگەرىنە ۇنەمى بارىپ تۇرىڭىز. ەسىڭىزدە بولسىن، گاليتوزدىڭ ەڭ كوپ تارالعان سەبەبى گيگيەنامەن بايلانىستى.
• دارىگەرمەن كەڭەسىڭىز، اسقازانعا بايلانىستى پروبلەمالار بولۋى دا مۇمكىن.
Massaget.kz