مادەنيەت جانە سپورت مينيسترلىگى «ءتانى ساۋدىڭ - جانى ساۋ» اتتى چەللەندجدى باستادى
11:11, 13 - ءساۋىر 2020
نۇر-سۇلتان. قازاقپارات - ق ر مادەنيەت جانە سپورت مينيسترلىگى «ءتانى ساۋدىڭ - جانى ساۋ» اتتى اكسيانى باستادى، دەپ حابارلايدى قازاقپارات ۆەدومستۆونىڭ Facebook-تاعى رەسمي پاراقشاسىنا سىلتەمە جاساپ.
«قىمباتتى دوستار. ق ر مادەنيەت جانە سپورت مينيسترلىگى سالاۋاتتى ءومىر سالتىن قالىپتاستىرۋعا باعىتتالعان «ءتانى ساۋدىڭ - جانى ساۋ» اتتى جاڭا اكسيانى باستاپ وتىر. ءبىز بۇل شارانى نۇر-سۇلتان، الماتى جانە شىمكەنت قالالارىنىڭ اكىمدىكتەرىنە، ق ر ءبىلىم جانە عىلىم مينيسترلىگىنە، سونداي-اق سپورت ۇيىمدارىنا جولدايمىز»، - دەلىنگەن ق ر م س م حابارلاماسىندا.
حابارلاما بەينەروليكپەن راستالعان، ونداعى كەيىپكەرلەر ۇيدە وتىرىپ-اق سپورتپەن شۇعىلدانۋعا بولاتىندىعىن ىستەرىمەن دالەلدەگەن.
تەك قانا نيەت بولسا بولعانى...