شاھارداعى ەسىمحان الاڭىندا الەمگە ايگىلى نيۋ-يورك باسپالداعى سالىنۋدا، دەپ حابارلايدى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ.
اشىق اسپان استىندا ورنالاسقان ەرەكشە ديزايندى دەمالىس ورنىندا open space شارالار، سان الۋان سايىستار مەن فەستيۆالدەر وتكىزىلەدى.
تۇركىستاندىقتار مەن ءوڭىر قوناقتارى ۇلكەن ەكراندا تەگىن فيلمدەر مەن فۋتبول ويىندارىن تاماشالاي الادى. تۇرعىنداردى مادەني، رۋحاني جاعىنان بايىتۋ، ولاردى بىرلىككە شاقىرۋ، جازدىڭ كەشكى كۇندەرىن كوڭىلدى وتكىزۋگە سەپتىگىن تيگىزۋ ماقساتىندا قولعا الىنعان جاڭا جوبا ءبىر بىردەن سوڭ ىسكە قوسىلادى دەپ جوسپارلانۋدا. اشىق ساحنالى، اينالمالى باسپالداقتى دەمالىس ورنىنىڭ بيىكتىگى - 4,5 مەتر، ەنى - 11 مەتر.
ەرەكشە ساۋلەتىمەن تاڭ قالدىراتىن نيۋ-يورك باسپالداعى جاستار مەن تۋريستەردىڭ سۇيىكتى دەمالىس ورنىنا اينالارى ءسوزسىز. تۇركىستان قالاسىندا قۇرىلىس جۇمىستارى جوسپار بويىنشا ءجۇرىپ جاتىر. قۇرىلىسشىلار ەڭبەك قاۋىپسىزدىگىمەن قاتار، توتەنشە جاعداي ەرەجەلەرىن قاتاڭ ۇستانۋدا. بارلىق سانيتارلىق تالاپتار كۇشەيتىلگەن.