مينيسترلىك ۇسىنعان تىڭ جوبالاردىڭ ءبىرى تاڭعى جاتتىعۋ دەپ اتالادى. بۇل جوبا اياسىندا بۇگىن قازاقستاندىقتار وليمپيادا ويىندارىنىڭ ءۇش دۇركىن جۇلدەگەرى گۋزەل مانيۋروۆامەن بىرگە تاڭعى ساعات 08:00 دە جاتتىعۋ جاسادى.
ال «حالىق قازىناسى: ءبىر تۋىندى تاريحى» جوباسى اياسىندا ساعات 8:30 دا ق ر مادەنيەت سالاسىنىڭ ۇزدىگى گۇلفايرۋس دالباعاي قۋانىش جۇماعالييەۆتىڭ «كۇزگى اۋەن»، ساعات 16:30 دا قۇرمانعازى اتىنداعى ق ۇ ك اعا وقىتۋشىسى نۇرگۇل جاقىپبەك سۇگىر ءالي ۇلىنىڭ «ىلمە»، ساعات 22:00 دە ق ر مادەنيەت قايراتكەرى زامزاگۇل ءىزمۇراتوۆا دۇيسەنبىنىڭ «كەربۇلان» كۇيىنىڭ شىعۋ تاريحى جايىندا وي قوزعايدى.
ساعات 12:00 دە كەسكىندەمەشى، قازاقستاننىڭ ەڭبەك سىڭىرگەن قايراتكەرى اماندوس اقانايەۆ «قازاقستاندىق كەسكىندەمە تاريحى: تاڭىرشىلدىكتەن قازىرگى زامانعا دەيىن» تاقىرىبىندا ونلاين ءدارىس وقيدى. مۇنان بولەك، ساعات 14:00 دە جاستار اراسىندا الەم چەمپيوناتىنىڭ جۇلدەگەرى سامات جاقىپوۆ ەركىن كۇرەستەن، 17:00 دە «استانا بالەت» تەاترىنىڭ جەتەكشى سوليسى ديلارا شومايەۆا ءوز سالاسى بويىنشا شەبەرلىك ساباعىن وتكىزەدى.
الەم چەمپيونى، دجيۋ-دجيتسۋدان قازاقستانداعى تۇڭعىش قارا بەلبەۋ يەگەرى ارمانجان رۋزاحۋوۆپەن سۇحبات ساعات 18:00 دە بولادى. ال «كارانتيندەگى جۇلدىز» جوباسى اياسىندا كەشكى ساعات 21:00 دە ءداستۇرلى ءانشى ەرلان رىسقالي مەن اقەركە تاجىبايەۆا ءان سالادى.
اۆتور: مارلان جيەمباي