«تابىسسىز قالعان ازاماتتارعا قولداۋ كورسەتۋ بويىنشا اۋقىمدى جۇمىس جۇرگىزىلىپ جاتىر. ولارعا توتەنشە جاعداي كەزەڭىندە 42500 تەڭگە مولشەرىندە الەۋمەتتىك تولەم تاعايىندالعان. الەۋمەتتىك جاردەماقى الۋعا قازىردىڭ وزىندە 1,7 ميلليون ادام، ولاردىڭ باسىم بولىگى ەلەكتروندى تۇردە جۇگىندى. بۇعان قوسا، الەۋمەتتىك كومەك بەرۋ تەتىكتەرىنىڭ دايىندىعىنا كەمشىلىك بار ەكەندىگىن ايتۋ كەرەك، ۆەدومستۆونىڭ جەدەل شەشىمدەرى مەن جەكە ارالاسقاننان كەيىن عانا قابىلدانا باستادى. ورتالىق جانە جەرگىلىكتى مەملەكەتتىك ورگانداردىڭ تاراپىنان دا ءتۇسىندىرۋ جۇمىستارى تيىمسىزدىگىن كورسەتتى»، - دەدى مەملەكەت باسشىسى.
ق ر پرەزيدەنتىنىڭ اتاپ وتۋىنشە، ءدال وسى جايت ازاماتتاردىڭ اراسىندا تۇسىنبەۋشىلىككە، ءارتۇرلى قابىلداۋعا، جەرگىلىكتى جەرلەردەگى تارتىپسىزدىككە سەبەپ بولدى. «ادامدار وزدەرىن تاۋەكەلگە ۇشىراتا وتىرىپ، ەسەپشوت اشۋ نەمەسە ءبىرىڭعاي الەۋمەتتىك تولەم تولەۋ ءۇشىن بانككە كەزەككە تۇردى. سوندىقتان ۇكىمەتكە جەدەل تۇردە ءاربىر ازامات ۇيدەن شىقپاي- اق مەملەكەتتەن كومەك الا الاتىن قادامدىق تەتىكتەردى ازىرلەۋى جانە ونى بارلىق ب ا ق پەن الەۋمەتتىك جەلىدە تاراتۋى ءتيىس»، - دەدى قاسىم- جومارت توقايەۆ.
مەملەكەت باسشىسى شاعىن جانە ورتا بيزنەس جۇمىسىن بىرتىندەپ جانداندىرۋ بويىنشا ناقتى جۇمىستاردى ۇكىمەت اكىمدەرمەن تىعىز ۇيلەستىرۋ ارقىلى جۇرگىزۋى ءتيىس ەكەنىن ايتتى. وسى ورايدا بۇل شارالار ەلىمىزدىڭ ءىرى ەكى قالاسىنان باستاپ قولعا الىنادى.
«ءتيىستى ۇسىنىستار ايتىلدى. ولاردى ەسكەرۋ كەرەك. بۇل تۇرعىدا جانداندىرۋ شارالارىن ىسكە اسىرۋ كەرەك. ءبىزدىڭ الدىمىزدا قوس ماقسات تۇر، ياعني ءبىزدىڭ ازاماتتاردىڭ دەنساۋلىعى ءۇشىن كارانتين ءتارتىبىن ساقتاۋ، سونداي- اق ناقتى شارالارمەن كاسىپورىنداردى جۇمىس رەجىمىنە شىعارۋ كەرەك»، - دەدى پرەزيدەنت. وسى ورايدا مەملەكەت باسشىسى اكىمدىكتەر سانيتارلىق- ەپيدەميلوگيالىق رەجىمدى، جۇمىس ورىندارىندا الەۋمەتتىك قاشىقتاندىرۋدى قاتاڭ تۇردە قامتاماسىز ەتە الاتىن كاسىپورىنداردىڭ ءتىزىمىن دايارلاۋ كەرەكتىگىن اتاپ ءوتتى. «وڭىرلەردەگى داعدارىسقا قارسى شتابتار وسىنداي جۇمىس ورىندارىن تەكسەرۋدى قامتاماسىز ەتەدى. شتابتار كاسىپورىندار جۇمىسىنىڭ رەجىمىن، قىزمەت ورىندارىنا جۇمىسشىلاردى جەتكىزۋ ءتارتىبىن جانە باسقا دا ۇيىمداستىرۋ- تەحنيكالىق شارالارىن ايقىندايتىن بولادى. وسىنىڭ نەگىزىندە مەملەكەتتىك كوميسسيا ءتيىستى كاسىپورىنداردىڭ قىزمەتىن جانداندىرۋ تۋرالى شەشىمدى قابىلداي الادى»، - دەدى قاسىم- جومارت توقايەۆ.
كوممۋنالدىق تولەمدەردى تومەندەتۋ بويىنشا كەشەندى شەشىم قابىلداۋدى جەدەلدەتۋ كەرەك.
«كارانتيندەگى قالالاردىڭ تۇرعىندارى ءۇشىن كوممۋنالدىق تولەمدەردى تومەندەتۋ بويىنشا كەشەندى شەشىم قابىلداۋدى تاپسىردىم. مەنىڭ بىلۋىمشە، مۇنداي شەشىم ءالى تابىلعان جوق. حالىقتىڭ الەۋمەتتىك قورعالماعان توپتارىنا باسىمدىق بەرە وتىرىپ، تيىسىنشە شەشىم قابىلداۋدى جەدەلدەتۋ قاجەت»، - دەدى پرەزيدەنت.